Lok Sabha Election 2024- भाजपायाः निर्देशकः सम्यक् नास्ति, जूनमासस्य प्रथमे दिने पूर्णतः असफलं भविष्यति चलचित्रम्- मुख्यमंत्री सुखविन्दरसिंहसुक्खुः
हिमसंस्कृतवार्ता- कार्यालयीय: प्रतिनिधि:।
लोकसभानिर्वाचनसमये (२०२४) भाजपाद्वारा एषा पटकथा लिखिता अस्ति। अस्य निर्देशनं जयरामठाकुरेण क्रियते। यत्र कङ्गना संवादं वदति। परन्तु, कियत् अपि उत्तमं चलचित्रं भवतु, यदि तस्य निर्देशकः सम्यक् नास्ति तर्हि चलचित्रं पूर्णतः असफलं भवति। इदं चलचित्रं जूनमासस्य प्रथमदिनाङ्के अपि असफलं भविष्यति। मुख्यमन्त्री सुखविन्दरसिंहसुक्खुः चम्बाजनपदस्य पाङ्गी- उपत्यकाया: मुख्यालये किलाड़े जनान् सम्बोधयन् एवम् उक्तवान्।
आपदि भाजपायाः एकोऽपि दिग्गजः अग्रे न आगतः
मुख्यमंत्रिणा सुखविन्दरसिंहसुक्खुना उक्तं यत् राज्ये आपदि बालकाः अपि स्वधनकोषै: सह आपदाप्रबन्धने साहाय्यं कर्तुम् आगच्छन्ति स्म। परन्तु, भाजपायाः एतादृशः एकोऽपि दिग्गजः अग्रे न आगतः। प्रत्युत ते सभासत्रम् आहूय कथयन्ति स्म। यदा मण्डी- कुल्लू- जनपदयोः आपदा अभवत् तदा अस्माकं सर्वकारेण प्रभावितपरिवाराणाम् आपदाप्रबन्धनस्य राशिः एकलक्षपञ्चाशत्सहस्ररूप्यकात् ७ लक्षरूप्यकाणि यावत् वर्धिता।
निराश्रित-बालकेभ्य: आश्रय: प्रदत्त:- मुख्यमंत्री सुखविन्दरसिंहसुक्खुः
ग्रामे येषां गृहाणि क्षतिग्रस्तानि आसन्, ये च वितानेषु निवसन्ति स्म। तेषां भाटकाय ग्रामे पञ्चसहस्ररूप्यकाणि नगरे १० सहस्ररूप्यकाणि च दत्तवन्तः। मुख्यमन्त्री उक्तवान् यत् प्रथममन्त्रिमण्डले तस्य सर्वकारेण सुखाश्रययोजना निर्माय २७ वर्षाणि यावत् निराश्रितबालानां सर्वव्ययस्य वहनार्थं विधानम् अकरोत्। पशुपालकाः दुग्धस्य योग्यं मूल्यं प्राप्नुयुः। अस्य कृते सर्वकारेण दुग्धस्य मूल्यं निर्धारितम्। गोदुग्धस्य मूल्यं ४५ रुप्यकाणि, महिषदुग्धस्य मूल्यं ५५ रुप्यकाणि प्रतिसेटकम् कृतम्।
सर्वासां महिलानां वित्तकोषसंख्यासु धनं निक्षिप्तं भविष्यति- मुख्यमन्त्री
मुख्यमन्त्री उक्तवान् यत् यदा काङ्ग्रेससर्वकारः सत्तां स्वीकृतवान् तदा राज्यस्य आर्थिककोषः शून्यः आसीत्। धनं चोरद्वारेण बहिः गच्छति स्म। सः तत् पिधाय पृष्ठद्वारेण बहिः गच्छन्तं धनं स्थगयित्वा काङ्ग्रेससर्वकारेण २२ कोटिरूप्यकाणि सङ्गृहीतानि। आपदाग्रस्तानां जनानां कृते दत्तम् आसीत्। अस्मात् अष्टकोटिरुप्यकाणि अवशिष्टाणि सन्ति। एतेन धनेन महिलाभ्यः १५०० रुप्यकाणि प्रदत्तानि भविष्यन्ति। जूनमासस्य ४ दिनाङ्कात् परं १८ वर्षाणाम् उपरि सर्वासां महिलानां वित्तकोषसंख्यासु धनं निक्षिप्तं भविष्यति।
सुक्खुः अवदत् यत् राज्यसर्वकारः निर्धनसहितानां सर्वेषां वर्गानां जनानां कृते उत्तमयोजनासु निरन्तरं कार्यं कुर्वन् अस्ति। आपदाया: हाने: क्षतिपूर्त्या सह विकासकार्येभ्य: अपि गति: दीयते, येन राज्यस्य जनाः विकासकार्यस्य लाभ: प्राप्नुयु:। सः अवदत् यत् अस्मिन् समये राज्यस्य सर्वेषु लोकसभासनेषु काङ्ग्रेसः विजयी भविष्यति। अस्मिन् अवसरे सर्वे काङ्ग्रेसकार्यकर्तारः, अधिकारिणः, जनाः च उपस्थिताः आसन्।
