राजपुत्राणां समूहः भगिनीषु पुत्रीषु च अशोभना: टिप्पण्य: करोति – कङ्गनारणौतः
हिमसंस्कृतवार्ता- रामपुरम्।
मण्डीसंसदीय-निर्वाचनक्षेत्रस्य भाजपा प्रत्याशी कङ्गनारणौत इत्यनया काङ्ग्रेस प्रत्याशी विक्रमादित्यसिंहं लक्ष्यं कृत्वा हिमाचलस्य जनाः पथभ्रष्टाय राजकुमाराणां समूहाय पाठं पाठयिष्यन्ति इति उक्तवती। प्रासादनिवासी राजपुत्रः न जानाति जनदुःखं वेदनां च । देवभूमिकन्यानां अपमानं कुर्वद्भ्य: जना: न क्षमयिष्यन्ति।
हिमाचलस्य सभ्यसंस्कृतौ अश्लीलटिप्पणीं कुर्वतां स्थानं नास्ति। शनिवासरे रामपुरबुशहरस्य झाकड़यां पन्नाप्रमुखसम्मेलने आनीविधानसभायाः निरमण्डे च तया उक्तं यत् यदा सा मण्डीसंसदीयक्षेत्रात् भाजपाया: नामपत्रं प्राप्नोत्। राजपुत्रसमूहः भगिनीसुकन्यासु च सर्वविधं अशोभनीया: टिप्पण्य: कुर्वन् अस्ति। एतेन सम्पूर्णः देशः लज्जितः अभवत् ।
मिथ्याप्रतिज्ञाभि: काङ्ग्रेसः सत्तां प्राप्नोत : भाजपा प्रत्याशी
विधानसभानिर्वाचने महिलाः प्रतिमासं १५००-१५०० रुप्यकाणि, प्रतिसेटकं १०० रुप्यकै: दुग्धं, प्रतिकिलो द्विरूप्यकेण गोमयं च क्रेतुं इति आश्वासनं दत्त्वा काङ्ग्रेसपक्षः सत्तां प्राप्तवान् । १५ मासेषु महिलानां कृते १५००-१५०० रूप्यकाणि न प्राप्तानि न च दुग्धस्य गोमयस्य च क्रयणं आरब्धम् । आपदासमये केन्द्रसर्वकारेण कोटिरूप्यकाणां आश्रयराशिः दत्ता आसीत्, परन्तु काङ्ग्रेससर्वकारः तदपि अङ्गीकृतवान् ।
मण्डीजनानां आह्वानं दिल्लीं नेष्यामि- कङ्गना
राज्यसर्वकारेण केन्द्रात् प्राप्तस्य आश्रयराशे: प्रत्येकं नाणकं लेखा जनसामान्यस्य समक्षं स्थापनीयम्। कङ्गनारणौत इत्यनया उक्तं यत् यदा जनाः राजकुमारपरिवारेभ्यः स्वरं उत्थापयितुं वदन्ति तदा ते वदन्ति यत् अहं डाकपालः नास्मि इति। अधुना अहं मण्डीजनानाम् डाकपाल भूत्वा अत्र दिल्लीनगरे स्वरं उत्थापयिष्यामि।
सा मण्डीमण्डलस्य एकस्य लघुग्रामस्य निवासी अस्ति । अल्पे अन्तरिक्षे निवसितुं किं दुःखम्। अहं तं सम्यक् जानामि। केन्द्रसर्वकारस्य प्रयत्नेन अद्यत्वे पृष्ठक्षेत्रेषु प्रगतिः अभवत् । २०२७ तमे वर्षे यदा विधानसभानिर्वाचनं भविष्यति तदा हिमाचले २२ महिलाः विधानसभायां निर्वाचिताः भविष्यन्ति । कङ्गना पारम्परिकवेशभूषायां कार्यक्रमे आगता आसीत् ।
