HP Politics : विधानसभासचिवालयेन निर्दलीयविधायकेभ्य: सूचनापत्रं प्रेषितम्
हिमसंस्कृतवार्ता- शिमला। हिमाचलप्रदेशस्य त्रयाणां स्वतन्त्रविधायकानां त्यागपत्रसम्बद्धः विषयः पुनः विधानसभाध्यक्षपर्यन्तं प्राप्तः। वरिष्ठकाङ्ग्रेसनेता मन्त्रिमण्डलमन्त्री जगतसिंहनेगी इत्यस्य पक्षतः विधानसभासचिवालये याचिका प्रवेशिता अस्ति यत्र पलायनविरोधी विधानस्य अन्तर्गतं त्रयाणां निर्दलीयविधायकानां अयोग्यतायाः आग्रहः कृतः अस्ति। अस्यां याचिकायां विधानसभासचिवालयेन स्वतन्त्रविधायकानां कृते सूचना प्रसारिता अस्ति।
विधानसभाध्यक्षः कुलदीपसिंह: पठानिया इत्यनेन अस्य प्रकरणस्य श्रवणम् मई ४ दिनाङ्के निर्धारिता अस्ति। अस्यां तिथौ स्वतन्त्रविधायकान् सभापतिसमीपे उत्तरं दातव्यं भविष्यति। वस्तुतः नेगीमहोदयेन सभापतिपठानियायाः समक्षं याचिका प्रवेषिता अस्ति यत् निर्दलीयानां विरुद्धं पलायनविरोधी विधानस्य अन्तर्गतं कार्यविधिं कर्तुं आग्रहः कृतः अस्ति। सः कथयति यत् त्यागपत्रस्य स्वीकारात् पूर्वं निर्दलीयाः कस्मिन् अपि राजनैतिकदले सम्मिलितुं न शक्नुवन्ति। त्रयः अपि भारतीयजनतापक्षस्य अपारप्रभावस्य अधीनाः सन्ति, अस्य प्रभावस्य कारणात् ते त्यागपत्रं दत्तवन्तः। तेषां त्यागपत्रं अद्यापि विधानसभाध्यक्षस्य समीपे लम्बितम् अस्ति।
उल्लेखनीयं यत् एषः विषयः राज्यस्य उच्चन्यायालये अपि लम्बितः अस्ति। स्वतन्त्रविधायकानां त्यागपत्रसम्बद्धे राज्यन्यायालये प्रवेशितयाचिकायाः श्रवणं ३० एप्रिलपर्यन्तं स्थगितम् अस्ति। त्रयः स्वतन्त्राः विधायकाः त्यागपत्रस्य अस्वीकारस्य, सभापतिना तेभ्यः कारणसूचनाप्रदानस्य च विरुद्धं न्यायालये याचिकाम् कृतवन्तः। गतगुरुवासरे मुख्यन्यायाधीशः एम.एस.रामचन्द्ररावस्य, न्यायाधीशस्य ज्योत्स्नारिवालदुआयाश्च संभागपीठस्य समक्षं प्रकरणस्य श्रवणम् अभवत्। उच्चन्यायालयेन अस्य प्रकरणस्य अग्रिमविचारः ३० एप्रिल दिनाङ्के निर्धारितः अस्ति। देहरातः निर्दलीयविधायकः होशियारसिंहः, नालागढतः निर्दलीयविधायकः केएलठाकुरः, हमीरपुरतः निर्दलीयविधायकः आशीषशर्मा च २२ मार्चदिनाङ्के विधानसभाध्यक्ष-सचिवयोः समक्षं विधानसभासदस्यतायाः त्यागपत्रं प्रदत्तवन्तः आसन्। त्यागपत्राणां एका प्रतिलिपिः राज्यपालाय शिवप्रतापशुक्लाय अपि दत्ता। राज्यपालः त्यागपत्राणां प्रतिलिपय: विधानसभासभापतिं प्रति अपि प्रेषितवान् आसीत् । तेषां आरोपः अस्ति यत् विधानसभासभापतिः पठानिया ज्ञात्वैव त्यागपत्राणि न अनुमोदितवान्।
