HP Election : काङ्ग्रेस-परीक्षणसमितिः विधानसभा- उपनिर्वाचनानां सम्भाव्यप्रत्याशिनां लघुसूची निर्मितवती
हिमसंस्कृतवार्ता- कार्यालयीय: प्रतिनिधि:।
बुधवासरे काङ्ग्रेसस्य परीक्षणसमितिः दिल्लीनगरे एकां गोष्ठीं कृत्वा हिमाचलप्रदेशे भवितुं शक्नुवन्तः षट्विधानसभा उपनिर्वाचनानां सम्भाव्यप्रत्याशिनां नामानि सूचीबद्धं कृतवन्तः। लोकसभाप्रत्याशिभि: सह उपनिर्वाचनप्रत्याशिनां नाम १३ अप्रैल दिनाङ्के घोषितं भवितुम् अर्हति। केन्द्रीयनिर्वाचनसमित्याः सभा १३ एप्रिल दिनाङ्के दिल्लीनगरे दलस्य राष्ट्रियाध्यक्षस्य मल्लिकार्जुनखड़गे इत्यस्य अध्यक्षतायां प्रस्ताविता अस्ति। कुटलैहड़त: विवेकशर्मा, धर्मशालातः देवेन्द्रजग्गी च नाम प्रायः निश्चिते एव । अद्यापि सुजानपुरस्य विषये दुविधा वर्तते। गगरेट, लाहौल-स्पीति:, बड़सर: इत्येतेभ्य: द्वयोः त्रयाणां वा सम्भाव्यप्रत्याशिनां नाम सूची मध्ये अस्ति ।
बुधवासरे परीक्षणसमितिः ब्लाककाङ्ग्रेससमित्याः सर्वेक्षणप्रतिवेदनात् च प्राप्तानां नामानां विषये विचारं कृतवती। दलस्य सूत्रेषु उक्तं यत्, दिल्लीनगरे आयोजितायां समन्वयसमित्याः परीक्षणसमित्याः च सद्यैव गोष्ठ्यां लोकसभाप्रत्याशिनां नाम अन्तिमरूपेण निर्धारणेन सह विधानसभा उपनिर्वाचनस्य अभ्यर्थीनां विषये चर्चा कृता। सभायां राज्यकाङ्ग्रेसेन खण्डकाङ्ग्रेससमित्याः नामानि गृहीत्वा सर्वेक्षणं करणीयम् इति निर्णयः कृतः आसीत् तथा च केषाञ्चन आसनानाम् अभ्यर्थीनां विषये सहमतिः प्राप्ता आसीत्।
बुधवासरे पूर्वरेलराज्यमन्त्री भक्तचरणदासस्य अध्यक्षतायां आयोजितायां स्क्रीनिंगसमित्याः सभायां सम्भावितप्रत्याशिनां नामानां समूहं सज्जीकृत्य केन्द्रीयनिर्वाचनसमित्याः समीपं प्रेषयितुं निर्णयः कृतः। अधुना लोकसभा-विधानसभा उपनिर्वाचनयोः प्रत्याशिन: १३ अप्रैल दिनाङ्के एकत्रैव घोषितुं शक्यन्ते। अस्याः सभायाः कृते मुख्यमन्त्री सुखविन्दरसिंहसुक्खुः, प्रदेशकाङ्ग्रेसस्य अध्यक्षा प्रतिभासिंह, उपमुख्यमन्त्री मुकेश अग्निहोत्री च दिल्लीं गमिष्यन्ति।
बड़सरतः मञ्जीत डोगरा, गग्रेटतः राकेश कालिया अभ्यर्थी भवितुमर्हत:
बड़सरविधानसभाक्षेत्रात् पूर्वविधायक: मंजीतसिंह: डोगरा, गग्रेटत: राकेशकालिया प्रत्याशिनौ भवितुमर्हत:। पूर्वप्रदेशाध्यक्षस्य कुलदीपकुमारस्य, गग्रेटस्य रमणजसवालस्य च नाम्नि अपि चर्चा क्रियते। बड़सरतः ज्ञानचन्दस्य, संजीवशर्मण: च नाम अपि सूची मध्ये अस्ति। काङ्गड़ासहकारीबैंकस्य अध्यक्षः कुलदीप पठानिया, सुजानपुरतः नरेश ठाकुरः, रविन्द्र वर्मा च नाम अपि सूची मध्ये अस्ति।
लाहौल-स्पीतितः मार्कण्डाविषये सहमतिः नास्ति
दलस्रोतानां अनुसारं भाजपायाः जयरामसर्वकारे मन्त्री आसीत् रामलाल मार्कण्डा लाहौल-स्पीतितः काङ्ग्रेस-प्रत्याशी इति दलनेतृणां मध्ये कोऽपि सहमतिः नास्ति। ब्लाककाङ्ग्रेसेन भाजपापक्षस्य एकं नेतारं समावेश्य काङ्ग्रेसस्य नामपत्रं दातुं विरोधः कृतः। लाहौल-स्पितीतः काङ्ग्रेसनेतृणां अनेकानि प्रतिनिधिमण्डलानि अपि अद्यैव मुख्यमन्त्रीं मिलित्वा स्वविरोधं पञ्जीकृतवन्तः। स्थानीयनेतारः केवलं काङ्ग्रेस-सम्बद्धं नेतारं प्रत्याशीं कर्तुं प्रस्तावम् अयच्छन् । एतादृशे स्थितिः लाहौलतः पूर्वविधायिक: रघुवीरसिंहः, जिलापरिषदः सदस्या अनुराधा राणा, युवानेता दोर्जे लार्जे च इत्येतेषां नामानि चर्चायां सन्ति।
