BJP Himachal : अधुनापि भाजपायां सम्मिलितुं शक्नुवन्ति केचन् काङ्ग्रेसविधायकाः, आत्मचिन्तनं कुर्यात् मुख्यमन्त्री- रणधीरशर्मा
हिमसंस्कृतवार्ता:- शिमला।
भाजपादलंस्य मीडियाविभागस्य प्रभारी रणधीरशर्मणा उक्तं यत् विगतैक-सार्धैकमासस्य घटनाक्रमस्य कारणात् हिमाचलप्रदेशे काङ्ग्रेससमर्थकविधायकानां संख्या ४३ तः ३४ यावत् न्यूनीकृता इत्यनेन हिमाचलप्रदेश- काङ्ग्रेसपक्षस्य नेतारः निराशिता: कुण्ठिताः च भवन्ति। मुख्यमन्त्रीसहिताः ते सर्वे नेतारः निराशायाः कुण्ठायाः च कारणेन एतावन्तः व्याकुलाः सन्ति यत् ते प्रतिदिनं निम्नस्तरीयं वक्तव्यं ददति। ये विधायकाः काङ्ग्रेसपक्षं त्यक्तवन्तः तेषां उपरि आरोपः क्रियते यत् ते विधायकाः विक्रीताः, ते विधायकाः कृष्णसर्पाः इति कथ्यन्ते। कदाचित् ते विधायकाः मेषाः, कदाचित् मण्डूकाः इति उच्यन्ते।
सः अवदत् यत् भारतीयजनतापक्षस्य मतं यत् काङ्ग्रेसपक्षस्य नेतारः विशेषतः मुख्यमन्त्री निराधारान् तथ्यहीनाः आरोपान् कुर्वन्ति, यतः मुख्यमन्त्रीस्तरस्य नेतु: कृते तथ्यं विना आरोपान् कर्तुं न अनुकूलं भवति, अथवा स्वेन सह आरोपाणां प्रमाणं प्रदातव्यम् अन्यथा एतत् व्यङ्ग्यं सद्यः पिधातव्यम्। अद्य तेषां विधायकानां संख्या ४३ तः ३४ यावत् न्यूनीकृता अस्ति, ये विधायकाः काङ्ग्रेसपक्षं त्यक्तवन्तः ते स्वविचारं मुक्ततया वदन्ति। ते आरम्भादेव उक्तवन्त: यत् ते एकवर्षं यावत् अस्य सर्वकारस्य नीतिभिः दुःखिता: आसन्। मुख्यमन्त्रिणः कार्यशैल्याः ते एतावता: क्लिष्टा: अभवन् यत् यस्मिन् दले सम्पूर्णं जीवनं यापितवन्त: तत् दलं त्यक्तुं ते बाध्या: अभवन्।
मीडियाप्रभारी रणधीरशर्मा अवदत् यत् ते अवदन् यत् सर्वकारेण केवलं एकस्मिन् वर्षे निर्वाचनप्रतिज्ञां पूरयितुं स्वस्य प्रतिज्ञापूर्तौ गम्भीरता न दर्शिता। सः अवदत् यत् अद्य भारतीयजनतापक्षं प्रति राष्ट्रव्यापी आकर्षणं वर्तते तथा च काङ्ग्रेसपक्षस्य नेतारः अन्यविपक्षदलानां च नेतारः प्रधानमन्त्रिणः नरेन्द्रमोदिन: व्यक्तित्वेन कार्येण च प्रभाविताः भारतीयजनतापक्षे सम्मिलिताः भवन्ति, यतः मोदिना दशवर्षस्य स्वीये कार्यकाले राष्ट्रहिताय जनहिताय च बहवः नीतयः निर्मिताः, विकासस्य च बहवः नवीनाः आयामाः निर्मिताः।
रणधीरशर्मा उक्तवान् यत् अद्य देशस्य प्रत्येकः नागरिकः जानाति यत् प्रत्येकस्मिन् क्षेत्रे विकासः अभवत्। आधारभूतसंरचना भवतु, स्वास्थ्यसंस्थानां उद्घाटनं भवतु, रेलमार्गस्य विस्तारः भवतु, निर्धनजनानाम् हिताय चालिताः विविधाः योजनाः भवतु, मोदीसर्वकारेण प्रत्येकस्मिन् क्षेत्रे सराहनीयं कार्यं कृतम्। सः पञ्चमस्य आर्थिकशक्तिं निर्माय विश्वे देशस्य गौरवम् आनयत् तथा च यथा प्रधानमन्त्री आतङ्कवादः, भ्रष्टाचारः इत्यादीनां गम्भीराणां समस्यानां निवारणं कृतवान्, तथैव सः अनुच्छेदस्य ३७० इत्यस्य उन्मूलनं कृत्वा देशस्य एकतां, अखण्डतां च सुदृढं कृतवान् वायुप्रहारैः, शल्यप्रहारैः च आतङ्कवादस्य मर्दनार्थं कार्यं कृतम्। ऑनलाइन-व्यवहारं कृत्वा भ्रष्टाचारस्य दमनेन अस्य देशस्य जनानां मोदी- सर्वकारस्य प्रति आकर्षणं वर्धितम् अस्ति। अतः एव भारतीयजनता-पक्षस्य विरुद्धं कार्यं कुर्वतां बहूनां दलानाम् बृहन्नेतारः अपि भारतीय-जनतापक्षे सम्मिलिताः सन्ति। यतो हि ते अनुभवन्ति यत् तेषां भविष्यमपि सुरक्षितं तदा एव भवति यदा देशस्य भविष्यं सुरक्षितं भवति। बहवः जनाः स्वस्य सुरक्षितस्य उज्ज्वलस्य च भविष्यस्य कृते भारतीयजनतापक्षे सम्मिलिताः सन्ति। सः अवदत् यत् हिमाचले काङ्ग्रेसपक्षस्य षट् विधायकाः भारतीयजनतापक्षे सम्मिलिताः इति न आश्चर्यम्। स्थितिः तादृशी अस्ति यत् अधिकाः बहवः विधायकाः भारतीयजनतापक्षे सम्मिलितुं शक्नुवन्ति, यतोहि मोदीसर्वकारस्य प्रति जनानां विश्वासः आस्था च दिने दिने वर्धमाना अस्ति तथा च सनातनं वर्धयितुं कार्यं जनानां मध्ये सनातनं प्रति विश्वासं जनयितुं कार्यम् अस्ति। अस्माकं देशस्य जनानां आस्थाकेन्द्राणां विकासस्य कार्यं मोदी इत्यनेन कृतम्। विशेषतः अयोध्यायां भगवतः रामस्य जन्मस्थले मन्दिरं निर्माय तस्य अभिषेकं कृत्वा जनानां मनसि यः विश्वासः निर्मितः अस्ति सः अपि कारणं भवति यत् अनेके जनाः भारतीयजनतापक्षं प्रति गच्छन्ति।
