प्रधानमन्त्रिणा पश्चिमबंगाल-राज्ये पञ्चदशसहस्र- कोटि- रूप्यकाणां विकासात्मक- परियोजनानाम् उद्घाटनम्

प्रधानमन्त्री नरेन्द्रमोदी पश्चिमबंगाल- राज्ये पञ्चदशसहस्र- कोटि- रूप्यकाणां विकासात्मक- परियोजनानाम् उद्घाटनं विहितवान्।
प्रधानमन्त्री नरेन्द्रमोदी पश्चिमबंगालराज्ये पञ्चदशसहस्र- कोटि- रूप्यकाणां विकासात्मक- परियोजनानाम् उद्घाटनं विहितवान्। उक्तवान् च यत् केन्द्रप्रशासनं विगतेभ्यः दशवर्षेभ्यः बंगालराज्ये विकासस्य अन्तरं दूरीकर्तुं प्रयासान् विहितवत्। असौ पश्चिमबंगाल- राज्यस्य नादिया- जनपदस्य कृष्णानगरे एतासां परियोजनानां शुभारम्भं कृतवान्। मोदी अत्रावसरे कथितवान् यत् केन्द्रप्रशासनं पश्चिमबंगाले आर्थिक- विकास- वृत्यवसरयोः सृजनाय गतिं प्रददाति। मोदिना निगदितं यत् असौ सप्त- सहस्र- कोटि- रूप्यकाणां परियोजनानाम् आधारशिलां संस्थापितवान्। असौ अग्रे अवदत् यत् परियोजनाः रेलमार्ग- जलपोत- स्थानक- इत्यादिभिः सम्बद्धाः सन्ति। मोदी प्रावोचत् यत् पश्चिमबंगाल- राज्यं भारत- देशस्य पूर्वीद्वारत्वेन कार्यं समाचरति। एतस्मिन् द्वारे विकासस्य प्रवेश-बिन्दोः क्षमता विद्यते। प्रशासनम् अस्मिन् क्षेत्रे मार्ग- रेल- जलमार्ग- माध्यमैः सम्पर्क- सौविध्याय मूलभूत- सौविध्यानि विकासयति। प्रधानमन्त्री पुरुलिया- जपनदस्य दामोदार- उपत्यका- निगमस्य रघुनाथपुर- ताप- विद्युत्- केन्द्रस्य द्वितीय- चरणस्य आधारशिलां संस्थापितवान्। अत्रावसरे प्रवदन् मोदी प्रोक्तवान् यत् प्रशासनं वर्तमान- भविष्योर्जा- आवश्यकताः निध्याय बंगालराज्यम् आत्मनिर्भरं निर्मातुं तस्मिन्नेव दिशि कार्यं निष्पादयति। विद्युदुर्जा एकः महत्वपूर्ण: घटको विद्यते, यः अर्थव्यवस्थायाः प्रत्येकं क्षेत्रं विकास- दिशि नयति। रघुनाथ- ताप- विद्युत्- केन्द्रस्य द्वितीय- चरणस्य इयम् आधारशिला अपि अस्मिन्नेव दिशि उत्थापितः एकः पदक्षेपो विद्यते। अनेन उपक्रमणे राज्ये एकादश- सहस्र- कोटि- रूप्यकाणां निवेशः आगमिष्यति। प्रधानमन्त्री एतदनन्तरं षड्शीत्यधिक- नवदश- शत- कोटिरूप्यकाणां व्ययेन विनिर्मिते राष्ट्रिय- राजमार्ग- द्वादश इत्याख्ये चतुष्पथस्य शतकिलोमीटरात्मकस्य फरक्का- रायगंज- खण्डस्यापि उद्घाटनं कृतवान्। प्रधानमन्त्री एतदतिरिच्य राज्येऽस्मिन् चत्वारिंशदधिक- नवशत- कोटि- रूप्यकाणां चतस्रः परियोजनाः राष्ट्राय समर्पितवान्। एताः परियोजनाः विद्यन्ते दामोदर- मोहिशिला- मार्गयोः द्विगुणीकरणं रामपुरघाट- मुराराई- इत्यनयोः मध्ये तृतीया पट्टिका आपणस्य च साउ- अजीमगंज- पट्टिकायाः द्विगुणीकरणम् इत्यादयाः। एतस्मिन् प्रधानमन्त्रिणः कार्यक्रमे पश्चिमबंगालस्य राज्यपालः डॉ. सी.वी. आनन्द बोसः राज्य- विधानसभायां विपक्षनेता सुवेन्दु-अधिकारी राज्यमन्त्री शान्तनुठाकुरः सांसदः जगन्नाथसरकारः भारतीय जनता पार्टीति दलस्य राज्याध्यक्षः सुकान्तो- मजूमदारः च उपस्थिताः आसन्।