गणतंत्रदिवस – 2024 :- हिमाचलस्य जनपदेषु सोत्साहेन मानित: गणतंत्रदिवस:
हिमसंस्कृतवार्ता- कार्यालयीय: प्रतिनिधि:।
७५ तम: गणतंत्रदिवसस्य समारोह: हिमाचलस्य सर्वेषु जनपदेषु सोत्साहेन मानित:।
किन्नौरम् – पंचायती राजमंत्री अनिरुद्धसिंह: रिकोंगपियो इत्यत्र ध्वजोत्तोलनं कृतवान्
किन्नौरजनपदस्य जिलास्तरीय: गणतंत्रदिवससमारोह: जनपदमुख्यालये रिकोंगपियो इत्यत्र मानित:। अस्मिन्नवसरे पंचायतीराज मंत्री अनिरुद्धसिंह: त्रिवर्णध्वजं उत्तोलय पथसंचलनं स्वीकृतवान्। पुलिस, आईटीबीपी, होमगार्ड, एनएसएस, एससीसी इत्यादीनां दलै: भव्यं पथसंचलनं कृतम्।
कुल्लू: – गणतन्त्रदिने कुल्लौ भव्यं पथसंचलनम्
तत्रैव शुक्रवासरे ७५ तमे गणतन्त्रदिने मण्डलमुख्यालये कुल्लौ भव्यपथसंचलनस्य आयोजनं कृतम् । तस्मिन् पुलिस, आईटीबीपी, होमगार्ड, एनएसएस, एससीसी सहित नव दलानि भागं गृहीतवन्तः। मुख्यसंसदीयसचिव: (सीपीएस) सुन्दरठाकुरः त्रिवर्णध्वजं उत्थाप्य पथसंचलनं स्वीकृतवान्। कार्यक्रमं द्रष्टुं मण्डलस्य विभिन्नक्षेत्रेभ्यः जनानां विशालः समूहः एकत्रितः आसीत् । अस्मिन् काले आकर्षकसांस्कृतिककार्यक्रमाः अपि आकर्षणस्य केन्द्रं अभवन्।
लाहौल-स्पीति – राजस्व मंत्री जगतसिंहनेगी केलांगे ध्वजोत्तोलनं कृतवान्
अपरपक्षे राजस्वमन्त्री जगतसिंहनेगी लाहौल-स्पीतिजनपदस्य केलाङ्गे कठोरशीते त्रिवर्णध्वजं उत्तोलितवान्। सः पथसंचलनं स्वीकृतवान्।
काङ्गड़ा- धर्मशालायां आयोजित: गणतंत्र- दिवससमारोह:
धर्मशालायां जिलास्तरीये आयोजिते गणतंत्रदिवससमारोहे विधानसभाध्यक्ष: कुलदीपसिंहपठानिया मुख्यातिथिरूपेण भागं स्वीकृतवान्। अस्मिन् समये सः राष्ट्रध्वजं उत्थाप्य भव्यपथसंचलनस्य अभिवादनं कृतवान् । तस्मिन् एव काले गणतन्त्रदिने गग्गलविमानस्थानके भव्यसमारोहस्य आयोजनं कृतम् । भारतीय विमानस्थानक-प्राधिकरण़ सिविलविमानस्थानकस्य निदेशक: धीरेन्द्रसिंह: राष्ट्रीयध्वजोत्तोलनं कृतवान् । गग्गलविमानस्थानके सुरक्षायै नियुक्तै: हिमाचलप्रदेशपुलिसकर्मचारिभिः गार्ड आफ् ऑनर प्रदत्तम्। तदनन्तरं केन्द्रीयविद्यालय भनाला (गोजु) तथा माउण्ट् कार्मेल विद्यालय: गगल इत्येतयोः छात्रैः सांस्कृतिककार्यक्रमाः प्रस्तुताः। केन्द्रीय विद्यालय भनला गोजू इत्यस्य बालकै: देशभक्तिगीतानामुपरि नृत्यं कृतम् । अपरपक्षे माउण्ट् कार्मेल् विद्यालयस्य बालकैः कृताः शैक्षिकप्रस्तुतयः सर्वान् मोहितवन्तः ।
मण्डी- ऐतिहासिकसेरीमञ्चे ७५ तमस्य गणतन्त्रदिवसस्य उत्सवः आचरितः
मण्डीनगरस्य ऐतिहासिकसेरीमञ्चे ७५ तमस्य गणतन्त्रदिवसस्य जिलास्तरस्य उत्सवस्य आयोजनं कृतम्। यस्य अध्यक्षता उद्योगमन्त्री हर्षवर्धनचौहान: अकरोत् । सर्वप्रथमं राष्ट्रपितुः महात्मागान्धी-प्रतिमायाः मालाकरणं कृत्वा ततः राष्ट्रध्वजस्य उत्थापनेन भव्यपथसंचलनस्य अभिवादनं स्वीकृतवान् । हिमाचलपुलिस:, गृहरक्षकदलम्,पुलिसवाद्यदलं, विद्यालयस्य बालकाः च पथसंचलनं कृतवन्तः । सः स्वसम्बोधने देशस्य स्वातन्त्र्यार्थं बलिदानं कृतवन्तः हुतात्मनां स्मरणं कृत्वा श्रद्धांजलिम् अयच्छत् । हर्षवर्धनचौहान: इत्यनेन उक्तं यत् राज्यसर्वकारः राज्यं स्वनिर्भरं राज्यं कर्तुं निरन्तरं प्रयत्नाः कुर्वन् अस्ति, आगामिषु १० वर्षेषु राज्यं स्वनिर्भररूपेण उद्भवति।
चम्बा – चम्बायां मन्त्री यादविन्दरगोमा राष्ट्रध्वजं उत्तोलितवान्
चम्बा-नगरस्य ऐतिहासिक-चौगान-स्थले जिला-स्तरीय-गणतन्त्र-दिवस-उत्सवः अतीव उत्साहेन आचरितः । समारोहस्य अध्यक्षतां आयुष-युवा-क्रीडामन्त्री यादविन्दरगोमा अकरोत् । अस्मिन् काले सः ध्वजं उत्तोलय पुलिस:, गृहरक्षक:, एनसीसी, एनएसएस इत्येतेषां दलै: प्रस्तूतस्य पथसंचलनस्य अभिवादनं गृहीतवान्।। समारोहे सदरविधायक: नीरजनैय्यर: गणमान्या: उपस्थिता: आसन् । अस्मिन्नवसरे विद्यालयस्य बालकैः विविधैः समूहैः च सांस्कृतिककार्यक्रमाः अपि प्रस्तुताः कर्मचारिणः मेधावीबाला: च उत्कृष्टकार्यस्य कृते प्रमाणपत्रैः सम्मानिताः।
सिरमौरम्- मन्त्री धनीराम शाण्डिलः नाहाने गणतंत्रदिवसस्य समारोहे अध्यक्षतां कृतवान्
सिरमौर-जनपदस्य जिलास्तरीय: गणतंत्रदिवससमारोह: जनपदस्य मुख्यालये नाहने हर्षोल्लासेन अभवत्। स्वास्थ्य एवं सामाजिक न्याय तथा अधिकारिता मंत्री डॉ. कर्नल: धनीरामशाण्डिल मुख्यातिथिरूपेण भागं स्वीकृतवान्। अस्मिन् समये सः ध्वजोत्तोलनं कृत्वा भव्यपथसंचलनस्य अभिवादनं स्वीकृतवान्। अस्मिन् अवसरे सः जनान् अपि सम्बोधितवान् । स्वास्थ्यमन्त्रिणा सह हिमाचलप्रदेशविधानसभायाः उपाध्यक्ष: विनयकुमारः विधायकः नाहन अजयसोलंकी च उपस्थिताः आसन्। जिलास्तरस्य समारोहस्य अवसरे नगरस्य विभिन्नैः सर्वकारीय-निजी-विद्यालयैः, संस्थाभिः च आकर्षका: सांस्कृतिक-कार्यक्रमा: अपि प्रस्तुता: । एतस्मिन् समये मन्त्री कर्णल धनीराम शाण्डिल इत्यादयः कलाकारैः सह नृत्यं कृतवन्तः ।
बिलासपुरम्- मन्त्री राजेशधर्माणी अकरोत् कार्यक्रमस्य अध्यक्षता
बिलासपुरजनपदस्य जिलास्तरीय: गणतंत्रदिवससमारोह: राजकीय-वरिष्ठ-माध्यमिक-विद्यालय: (छात्र:) इत्यस्य क्रीड़ाङ्गणे अभवत्। समारोहस्य अध्यक्षता तकनीकी शिक्षा मंत्री राजेशधर्माणी अकरोत्। अस्मिन्नवसरे स: विभिन्नदलानां पथसंचलनस्य अभिवादनं स्वीकृतवान्। विविधै: सांस्कृतिकदलै: सांस्कृतिका: कार्यक्रमा: अपि प्रस्तूता:। अस्मिन्नवसरे मुख्यातिथि: समाजे उत्कृष्टकार्यकर्तृभ्य: पुरस्कृतवान्।
