प्रदेशस्य ५६ चिकित्सालयेषु आरप्स्यते स्वास्थ्य-सूचना-प्रबन्धन-पद्धति: – मुख्यमंत्री सुखविन्दरसिंहसुक्खु:
७३ प्रतिशतानि अंकीयस्वास्थ्यपत्राणि सज्जानि
हिमसंस्कृतवार्ता- शिमला ।
मुख्यमन्त्री सुखविन्दरसिंहसुक्खुः स्वास्थ्यविभागस्य सभायाः अध्यक्षतां कुर्वन् स्वास्थ्यसूचनाप्रबन्धनव्यवस्थां समयबद्धरूपेण प्रारम्भं कर्तुं निर्देशं दत्तवान्। सः अवदत् यत् प्रारम्भे राज्यस्य ५६ चिकित्सालयेषु एषा व्यवस्था आरब्धा भविष्यति, यस्य माध्यमेन चिकित्सका: क्लाउड- आधारितसर्वरद्वारा रोगिणां सम्पूर्णं चिकित्साविवरणं प्राप्तुं शक्नुवन्ति। मुख्यमन्त्री उक्तवान् यत् राज्यसर्वकारः जनेभ्य: गृहद्वारे उत्तमस्वास्थ्यसुविधाः प्रदातुं चिकित्सालयेषु नवीनतम-प्रौद्योगिक्याः समावेशं करोति।
सः अवदत् यत् स्वास्थ्यसूचनाप्रबन्धनव्यवस्था अस्मिन् दिशि आधारभूतं सिद्धं भविष्यति। एतेन रोगिणां औषधनिर्देशाः अन्ये च चिकित्सापरीक्षासम्बद्धाः अभिलेखा: वा तेषां छायाप्रतिः वा वोढुम् आवश्यकता न भविष्यति तथा च ते अबाधितचिकित्सासुविधाः प्राप्तुं शक्नुवन्ति। सः अवदत् यत् वैद्याः अपि एकेन नोदनेन तस्य दूरवाणीसंख्यां प्रविश्य रोगिण: स्वास्थ्यस्य विषये आवश्यका: सूचना: प्राप्तुं शक्नुवन्ति। सः अवदत् यत् राज्ये डिजिटलस्वास्थ्यपत्राणां निर्माणस्य लक्ष्यं शीघ्रमेव प्राप्तं भविष्यति, एतावता ७३ प्रतिशतं अंकीयस्वास्थ्यपत्राणि निर्मितानि सन्ति।
मुख्यमंत्री सुक्खुः उक्तवान् यत् राज्यस्य सर्वेषु चिकित्सामहाविद्यालयेषु उच्चस्तरीयस्वास्थ्यसेवाप्रदानाय सर्वकारः प्रतिबद्धः अस्ति। एतेन ग्रामीणक्षेत्रेषु निवसतां जनानां गुणवत्तापूर्णस्वास्थ्यसेवानां उपलब्धिः अपि सुनिश्चिता भविष्यति इति सः अवदत्। मुख्यमन्त्री उक्तवान् यत् राज्यस्य सर्वेषु ६८ विधानसभाक्षेत्रेषु आदर्शस्वास्थ्यसंस्थाः स्थापिताः सन्ति तथा च अधुना यावत् राज्ये एतादृशाः ३५ आदर्शस्वास्थ्यसंस्थाः स्थापिताः सन्ति यत्र ६ विशेषज्ञवैद्याः नियोजिताः सन्ति। शेषेषु ३३ चिकित्सालयेषु अपि एतेषां विशेषज्ञवैद्यानां नियोजनं शीघ्रमेव सुनिश्चितं कर्तुं सः निर्देशं दत्तवान्।
मुख्यमंत्रिणा आईजीएमसी-शिमला, अटल-इन्स्टीट्यूट-आफ-मेडिकल-सुपरस्पेशलिटी-चम्याना (शिमला) तथा टाण्डाचिकित्सामहाविद्यालये रोबोटिकशल्यसुविधाया: कार्यस्य प्रक्रियायाः समीक्षा अपि कृता। इयं सुविधा शीघ्रमेव आरभेत् इति निर्देशमपि दत्तवान् येन जनाः समये एव अस्य लाभं प्राप्नुयुः। सः अवदत् यत् स्वास्थ्यसेवामूलसंरचनानां आधुनिकीकरणेन डिजिटलीकरणेन च गुणवत्तापूर्णाः सेवाः सुनिश्चिताः भविष्यन्ति।
