राजेशधर्माणी तकनीकी-शिक्षामंत्री यादविन्द्रगोमा च आयुषमन्त्री

राजेशधर्माणी तकनीकी-शिक्षामंत्री यादविन्द्रगोमा च आयुषमन्त्री, अधिसूचना निर्गता
हिमसंस्कृतवार्ता:- शिमला।
हिमाचलप्रदेशसर्वकारेण द्वयो: नवनियुक्त्यो: मन्त्रिणो: कृते विभागानाम् आबंटनम् कृतमस्ति। एतदर्थं प्रदेशसर्वकारस्य मुख्यसचिवस्य पक्षत: अधिसूचना निर्गता अस्ति। अधिसूचनाया अनुसारेण राजेशधर्माणी तकनीकीशिक्षा, व्यवसायिक एवम् औद्योगिकप्रशिक्षणस्य दायित्वं निभालयिष्यति। यादविन्द्रगोमा च आयुषविभागस्य युवासेवा एवं क्रीडाविभागयो: कार्यभारं द्रक्ष्यति। अवधेयं वर्तते यत् इत: पूर्वं तकनीकीशिक्षा, व्यवसायिक एवम् औद्योगिकप्रशिक्षणस्य दायित्वं शिक्षामन्त्रिण: रोहितठाकुरस्य पार्श्वे आसीत्। आयुषविभाग: मन्त्रिण: हर्षवर्धनचौहानस्य पार्श्वे, युवासेवा एवं क्रीडाविभाग: लोकनिर्माणविभागस्य मन्त्रिण: विक्रमादित्यसिंहस्य पार्श्वे आसीत्।