प्रधानमन्त्री नरेन्द्रमोदी इत्यस्य परीक्षा पे चर्चायाः सप्तमसंस्करणस्य कृते MyGov पोर्टल् इत्यत्र एककोटितः अधिकानि पञ्जीकरणानि

प्रधानमन्त्री नरेन्द्रमोदी इत्यस्य परीक्षा पे चर्चायाः सप्तमसंस्करणस्य कृते MyGov पोर्टल् इत्यत्र एककोटितः अधिकानि पञ्जीकरणानि

प्रधानमन्त्री नरेन्द्रमोदी इत्यस्य परीक्षा पे चर्चायाः सप्तमसंस्करणस्य कृते MyGov पोर्टल् इत्यत्र एककोटितः अधिकानि पञ्जीकरणानि प्राप्तानि । अस्य कार्यक्रमस्य आयोजनम् अस्मिन् मासे २९ दिनाङ्के भविष्यति। शिक्षामन्त्रालयेन उक्तं यत् अस्मिन् वर्षे चतुःसहस्राधिकाः प्रतिभागिनः प्रधानमन्त्री मोदी इत्यनेन सह चर्चां करिष्यन्ति। मन्त्रालयानुसारं नवदिल्लीनगरस्य भारतमण्डपमे कार्यक्रमस्य आयोजनं भविष्यति। चर्चायां भागं ग्रहीतुं MyGov पोर्टल् इत्यत्र 11 दिसम्बर 2023 तः अस्मिन् मासे 12 पर्यन्तं 6 तः 12 पर्यन्तं कक्षायाः छात्राणां, शिक्षकाणां, अभिभावकानां च कृते प्रश्नोत्तरप्रतियोगिता आरब्धा अस्ति। अस्मिन् द्विसहस्रपञ्चाशत् चयनितप्रतिभागिभ्यः परीक्षाविषये चर्चासामग्री प्रदत्ता भविष्यति यस्मिन् प्रधानमन्त्रिणा हिन्दी-आङ्ग्लभाषायां लिखितं “परीक्षायोद्धा” इति पुस्तकं प्रमाणपत्रं च भविष्यति।
मन्त्रालयेन उक्तं यत् परीक्षा पे चर्चा कार्यक्रमात् पूर्वं १२ जनवरीतः राष्ट्रिययुवादिवसस्य २३ दिनाङ्कपर्यन्तं विद्यालयस्तरस्य विभिन्नानि कार्याणि आयोजितानि भविष्यन्ति। २३ जनवरी दिनाङ्के नेताजीसुभाषचन्द्रबोसस्य जन्मदिवसस्य अवसरे देशस्य पञ्चशतजिल्हेषु चित्रकलाप्रतियोगिता भविष्यति।
अस्मिन् कार्यक्रमे भारतात् विदेशेभ्यः च छात्राः, शिक्षकाः, अभिभावकाः च प्रधानमन्त्रिणा सह विद्यालयात् परं परीक्षासम्बद्धेषु विषयेषु, जीवनस्य चुनौतीषु च चर्चां कुर्वन्ति। परीक्षा पे चर्चा प्रधानमन्त्री नरेन्द्रमोदी इत्यस्य परीक्षायोद्धा अभियानस्य भागः अस्ति यस्योद्देश्यं युवानां कृते तनावमुक्तं वातावरणं निर्माणं वर्तते।