प्रधानमन्त्री-निर्धनानां सेवा वञ्चितानां च सम्मानम् अस्माकं सर्वाधिक-प्राथमिकता

प्रधानमन्त्री-निर्धनानां सेवा वञ्चितानां च सम्मानम् अस्माकं सर्वाधिक-प्राथमिकता
प्रधानमन्त्री नरेन्द्रमोदी अवदत् यत् तस्मै देशे चतस्रः सर्वाधिक-वृहत्तमाः जातयः निर्धनाः, युवानः, महिलाः, कृषकाश्च सन्ति। निर्धनानां सेवा वञ्चितानां च सम्मानम् अस्माकं सर्वाधिक-प्राथमिकता वर्तते। प्रधानमन्त्रिणा इन्दौर- नगरस्य हुकुमचन्दमिल- समवायेन आयोजिते श्रमिक-हितः श्रमिकेभ्यः समर्पितः इत्याख्ये कार्यक्रमे श्रमिकाः आभासीयमाध्यमेन सम्बोधिताः। एतेषां कर्मचारिणां वेतनं त्रिंशत् वर्षेभ्यः लम्बितम् आसीत्। प्रधानमन्त्रिणः पक्षतः मध्यप्रदेशस्य मुख्यमन्त्री डॉ. मोहन यादवः प्रतीकात्मकरूपेण श्रमिकेभ्यः षड्चत्वारिंशत्- लक्षाधिक- सप्तदशोत्तर‌द्विशतं कोटि- रूप्याकाणां धनपत्राणि अयच्छत्। अनने पदक्षेपेन पञ्चसहस्राधिक- श्रमिकाः तेषां परिजनाश्च लाभं प्राप्तवन्तः। मोदी अष्टोत्तर- त्रिंशत्- कोटि- रूप्यकैः निर्मितस्य सौरोर्जा संयन्त्रस्य अपि आभासीयम् उ‌द्घाटनम् अकरोत्। अनने प्रतिमाहं विद्युत् व्यये चतुः कोटि- रूप्यकाणां लाभो भविष्यति। निज-सम्बोधने प्रधानमनत्री अवोचत् यत् अस्माकं प्रशासनस्य सङ्कल्प-पत्रम् तस्य पूर्तये च राज्यप्रशासनं जवेन कार्यं विदधाति। प्रधानमन्त्रिणा विकसित- भारत- सङ्कल्प- यात्रायां सहभागितायै सर्वकारस्य योजनानां लाभाय च जनाः अभ्यर्थिताः। अमुनोक्तं यत् उज्जयिन्याः आरब्धा इयं यात्रा मध्य-प्रदेशस्य षड् शतं स्थलेषु सम्प्राप्ता:, लक्षशो जनाश्च अनया लाभान्विताः अभवन्।