भारतस्य प्रथमं निज-विकसितं कक्षीयान्तरिक्ष यानं विक्रम-प्रथमं अन्तिम-प्रणोदन-प्रक्रियां सम्पूर्य कक्षायां उपग्रहान् सफलरूपेण प्रवेश्य स्वकक्षां प्राप्नोत्

भारतस्य प्रथमं निज-विकसितं कक्षीयान्तरिक्ष यानं विक्रम-प्रथमं अन्तिम-प्रणोदन-प्रक्रियां सम्पूर्य कक्षायां उपग्रहान् सफलरूपेण प्रवेश्य स्वकक्षां प्राप्नोत् ।
हिमसंस्कृतवार्ता। भारतस्य प्रथमं निज-विकसितं कक्षीयान्तरिक्ष यानं विक्रम-प्रथमं अन्तिम-प्रणोदन-प्रक्रियां सम्पूर्य कक्षायां उपग्रहान् सफलरूपेण प्रवेश्य स्वकक्षां प्राप्नोत् । अस्य यानस्य प्रक्षेपणं गतदिवसे मध्याह्ने पञ्चाधिक-द्वादशवादने आन्ध्रप्रदेशस्य श्रीहरिकोटायाः सतीश धवन अन्तरिक्ष-केन्द्रात् समजायत् । अनेन ऐतिहासिक पदक्षेपेण भारतं निज-कक्षा-प्रक्षेपण-क्षमतां प्राप्तवत्सु विश्वस्य देशेषु तृतीयान्यतमो सञ्जातः । मिशन-आगमन इत्याख्येन अभियानेन विकसितं एतत् अन्तरिक्ष-यानं लघु-उपग्रहाणां कृते अल्पव्यययुक्तं प्रक्षेपण-सेवायै वर्तते। भारतीयान्तरिक्ष-उपक्रमस्य जनकः डॉ. विक्रम साराभाई इत्याख्यस्य नाम्ना व्यपदिष्टस्य अस्य विक्रम-1 यानस्य रचनायां त्रि-स्तरीय-दृढ-प्रणोदक-चरणानि सहैव अमोघ-कक्षा-प्रवेशाय रमन इत्याख्यः द्रवेन्धन-गन्त्रं प्रयुक्तमस्ति । इदं यानम् उपग्रहान् पृथिव्याः निम्न-कक्षायां स्थापयितुं पूर्णतया सामर्थ्यं भजते।
प्रधानमन्त्रिणा नरेन्द्रमोदिना ‘स्काईरूट्’-वैज्ञानिकवृन्दः श्लाघितः सहैव ‘विक्रम-1’ इत्यस्य साफल्यं भारतस्य अन्तरिक्ष-यात्रायाः ऐतिहासिकः क्षणः इति उद्घोषितम्।
अन्तरिक्ष-कक्षायां अस्य सफल-प्रवेशाद् परं प्रधानमन्त्री नरेन्द्रमोदी दूरभाष-माध्यमेन स्कायरूट-एयरोस्पेस-दलस्य वैज्ञानिकानाञ्च अभिनन्दनं व्याहृतवान्। श्रीमोदी न्यगादीत् यत्, विक्रम-1 यानस्य अयं सफलोत्कर्षः अन्तरिक्ष-क्षेत्रे देशस्य आत्मनिर्भता-यात्रायां कश्चन प्रमुखः कीर्तिस्तम्भः वर्तते । प्रधानमन्त्रिणा प्रतिपादितं यत्, इयं ऐतिहासिकी उपलब्धिः देशस्य यूनः नवीनोन्मेषाय अग्रे आगन्तुं प्रेरयिष्यति।