हिमाचल-मानसूनकाल: – २४ घण्टाः सक्रिया भविष्यति आपदा-सहायता-दूरभाषसङ्ख्या, एकस्मिन् आह्वाने एव प्राप्स्यते साहाय्यम्, दिशानिर्देशाः प्रसारिताः

हिमाचल-मानसूनकाल: – २४ घण्टाः सक्रिया भविष्यति आपदा-सहायता-दूरभाषसङ्ख्या, एकस्मिन् आह्वाने एव प्राप्स्यते साहाय्यम्, दिशानिर्देशाः प्रसारिताः

हिमसंस्कृतवार्ता: — शिमला ।

हिमाचलप्रदेश-राज्य-आपदाप्रबन्धन-प्राधिकरणेन (HPSDMA) मानसून-ऋतवे विस्तृताः सुरक्षा-दिशानिर्देशाः प्रसारिताः। अस्य अन्तर्गतं प्रदेशस्य जनेभ्यः पर्यटकेभ्यश्च अधुना चतुर्विंशतिघण्टाः (२४ घण्टाः) साहाय्यम् उपलब्धं भविष्यति। राज्य-आपदा-सहायता-सङ्ख्या १०७० (1070) तथा च मण्डल-आपदा-सहायता-सङ्ख्या १०७७ (1077) स्युः सप्ताहे सप्तसु दिनेषु २४ घण्टाः सक्रियाः स्थास्यन्ति। कस्यामपि आपदायाम्, मार्ग-अवरोधे, भूस्खलने अन्यासु आपातस्थितिषु च एतासु सहायतासङ्ख्यासु सद्यः साहाय्यं प्राप्स्यते। प्राधिकरणेन पर्यटकाः स्थानीयजनाश्च ऋतु-आपदा-सम्बद्धिनीं सूचनां दृष्ट्वा एव यात्रां प्रारब्धुम् उपदिष्टाः। दिशानिर्देशे चलभाषयन्त्रेषु (मोबाइल) ऑफलाइन-मानचित्रं (ऑफलाइन नक्शा) अधोभारणं कृत्वा स्थापयितुं कथितम् अस्ति।

एच.पी.एस.डी.एम.ए. (HPSDMA) इत्यनेन जनेभ्यः दत्तः अयम् उपदेशः

मार्गाणां सद्यःस्थितेः सूचना स्थानीयजनेभ्यः प्रशासनात् वा प्राप्तुम् अपि परामर्शः दत्तः। वाहने प्राथमिकोपचार-पेटिका (फर्स्ट एड किट), पर्याप्तं पेयजलं, आपत्कालीन-वाहन-सामग्रीं च प्रस्थापयितुं कथितम्। एतत् कस्यामपि आकस्मिकस्थित्याः सुरक्षितरूपेण सम्मुखीकरणे साहाय्यं विधास्यति। जनैः स्वक्षेत्रेषु सम्भाव्य-सङ्कटानां पूर्वमेव परिचयं कर्तुम् आग्रहः कृतः अस्ति। अत्यधिकवृष्ट्याः, भूस्खलनस्य, मेघविस्फोटस्य (बादल फटने), भूकम्पस्य, अग्नेः, औद्योगिकदुर्घटनानां च प्रति सजगैः भवितुं निर्देशः अस्ति। प्राधिकरणानुसारं समये सतर्कता, शुद्धा सूचना, पूर्वसज्जता एव आपदाभ्यः रक्षणस्य प्रभावी उपायः वर्तते। अस्मिन्नेव उद्देश्यात् सहायतासेवाः सम्पूर्णे मानसून-ऋतौ अहोरात्रं (२४ घण्टाः) सक्रियाः स्थापिताः सन्ति।

संवेदनशीलानां वर्गाणां सुरक्षायाम् विशेषं बलम्

दिशानिर्देशे संवेदनशीलानां वर्गाणां सुरक्षायाम् विशेषं बलं दत्तम् अस्ति। एतेषु बालकाः, वृद्धाः, गर्भिण्यः महिलाः, दिव्यांगजनाश्च सम्मिलिताः सन्ति। एतेषां सुरक्षायै पूर्वमेव स्थानान्तरणस्य (निकासी) साहाय्यस्य च योजनां सज्जं स्थापयितुं कथितम्। आपदास्थितौ एतेभ्यः प्राथमिकतायाः आधारेण सुरक्षितस्थानानि यावत् प्रापयिष्यते।

अत्र कुर्वन्तु सम्पर्कम्

प्राधिकरणेन आपदास्थितौ भीतैः भवितुं स्थाने सद्यः एव सहायतासङ्ख्यासु सम्पर्कं कर्तुं कथितम्। राज्य-आपदा-सहायता-सङ्ख्यायां १०७० अथवा सम्बद्ध-मण्डल-आपदा-सहायता-सङ्ख्यायां १०७७ उपरि कॉल (आह्वानं) कुर्वन्तु। स्थानीयप्रशासनस्य आपदाप्रबन्धन-अधिकारिणां च निर्देशाणाम् अनुपालनं महत्त्वपूर्णं वर्तते। रक्षण-साहाय्य-प्राथमिकोपचार-सम्बद्धां सूचनां समये-समये प्राप्नुवन्तः तिष्ठन्तु।