Shimla News – ग्रामीणविकासमंत्री अनिरुद्धसिंह: शिमलायां कुसुम्पटी इत्यत्र राज्यस्य प्रथमस्य आधारसेवाकेन्द्रस्य उद्घाटनं कृतवान्
हिमसंस्कृतवार्ता:- शिमला।
हिमाचलप्रदेशसर्वकारस्य ग्रामीणविकास: एवं पंचायतीराजमंत्री अनिरुद्धसिंह: शुक्रवासरे एसडीएपरिसरे कुसुम्पटी इत्यत्र राज्यस्य प्रथमस्य आधारसेवाकेन्द्रस्य उद्घाटनं कृतवान्। अस्मिन् अवसरे सः अवदत् यत् पासपोर्टसेवाकेन्द्रस्य आदर्शरूपेण इदम् आधारसेवाकेन्द्रम् आधारसम्बद्धाः सर्वाः सेवाः जनसामान्यं प्रति प्रदास्यति। सः अवदत् यत् हिमाचलप्रदेशे त्रीणि आधारसेवाकेन्द्राणि, शिमला, मण्डी, काङ्गड़ा च एकैकम् आधारसेवाकेन्द्राणि अनुमोदितानि सन्ति। एतत् हिमाचलस्य प्रथमं आधारसेवाकेन्द्रम् अस्ति। सः अवदत् यत् पूर्वम् आधारसम्बद्धानां बहूनां सेवानां कृते चण्डीगढस्य यात्रायाः आवश्यकता आसीत्, परन्तु अधुना एतत् आधारसेवाकेन्द्रं सर्वा: सेवा: एकस्याः छदौ अधः प्रदास्यति। उल्लेखनीयं यत् भारतस्य अद्वितीय- परिचयप्राधिकरणस्य (UIDAI) मुख्यकार्यालयस्य नवीदिल्लीनगरस्य नामाङ्कन- अद्यतनविभागस्य निरन्तरमार्गदर्शनेन समर्थनेन च एसडीए परिसरे, कुसुम्पटी, शिमलास्थे एतत् आधारसेवाकेन्द्रं भारतस्य अद्वितीयपरिचयप्राधिकरणस्य (UIDAI) क्षेत्रीयकार्यालयेन, चण्डीगढेन सफलतया संचालितं भविष्यति। इदं नवीनं आधारसेवाकेन्द्रं विश्रान्तिदायकवातावरणे आधारसम्बद्धानां सर्वेषां आवश्यकतानां कृते “एकस्थानीयं गन्तव्यं” भविष्यति।
केन्द्रं पूर्णतया चक्रचालकैः सुलभं भवति, वरिष्ठनागरिकाणां विशेषरूपेण असमर्थानां नागरिकानां च सहायार्थं विशेषसुविधाः सन्ति। सप्ताहे सप्तदिनानि (सप्ताहस्य समाप्तिदिनानि च) प्रातः ९:३० वादनतः सायं ५:३० वादनपर्यन्तं उद्घाटितं भविष्यति, केवलं सार्वजनिकावकाशदिनेषु एव पिहितं भविष्यति। शिमलानगरस्य परिसरेषु च निवासिनः उपद्रव- रहित- पङ्क्ति- रहित- सेवायाः अनुभवाय ऑनलाइनरूपेण नियुक्तिम् आरक्षयितुं कर्तुं प्रोत्साहिताः सन्ति।
समारोहस्य नेतृत्वं चण्डीगढस्य यूआईडीएआई क्षेत्रीयकार्यालयस्य निदेशक जगदीशकुमारः अकरोत्। सः व्याख्यातवान् यत् एष उपक्रमः देशे सर्वत्र विश्वसनीयाः, समावेशिन:, निवासीकेन्द्रिताः च आधारसेवाः प्रदातुं यूआईडीएआई इत्यस्य मूललक्ष्यस्य अनुरूपाः सन्ति। अस्मिन्नवसरे यूआईडीएआई-इत्यस्य प्रदेशपरियोजनाप्रबन्धक: विजयसिंह:, क्षेत्रीयप्रबन्धक:, उत्तरक्षेत्रं, रजनीश मेहता, संयुक्तनिदेशक: डिजिटलप्रौद्योगिकी, शासनविभाग:, अनिल सेमवाल:, आदय अधिकारिण: चापि उपस्थिता अभवन्।
