पुलिसमहानिदेशक: अशोकतिवारी मेगा-वाकथॉन् इत्यस्य सज्जतायाः समीक्षां कृतवान्
हिमसंस्कृतवार्ता:- हमीरपुरम्।
अत्यन्तं संकटजनकं मादकद्रव्यं चिट्टा इत्यस्य विरुद्धं राज्यसर्वकारस्य विशेषाभियानस्य भागरूपेण हिमाचलप्रदेश पुलिसमहानिदेशकः अशोक तिवारी व्यक्तिगतरूपेण हमीरपुरनगरम् आगतः, यत् हिमाचलप्रदेशपुलिसद्वारा १६ दिसम्बर् दिनाङ्के आयोजिताया: मेगावाकथॉन् इत्यस्य सज्जतायाः निरीक्षणं कर्तुं शक्नुयात्।
सः वरिष्ठजिलाप्रशासनेन सह पुलिसाधिकारिभिः सह दोसड़कापुलिसक्षेत्रस्य निरीक्षणं कृत्वा मेगावाकथॉन् इत्यस्य सज्जतायाः समीक्षां कृतवान्। भ्रमणकाले सः स्थले विविधव्यवस्थानाम्, आवश्यकसुविधानां च विषये सम्बन्धिताधिकारिभ्यः मार्गदर्शिकाः निर्गतवान्। सः अधिकारिभ्यः आग्रहं कृतवान् यत् ते प्रतिभागिनां सुविधायां विशेषं ध्यानं दत्त्वा अस्य प्रमुखस्य आयोजनस्य सुचारुरूपेण संचालनं सुनिश्चित्य यत्नपूर्वकं कार्यं कुर्वन्तु।
पुलिसमहानिदेशकेन प्राङ्गणस्य स्वच्छतायाः व्यवस्था, शौचालयस्य सुविधा, प्रतिभागिनां सुचारुगतिः, पेयजलस्य जलपानस्य च वितरणं, स्थलं परितः यातायातस्य प्रबन्धनं, पर्याप्तपुलिसकर्मचारिणां नियोजनम्, अन्यव्यवस्था च इति विषये अधिकारिभिः सह व्यापकचर्चा कृता। अस्मिन्नवसरे उपायुक्त: अमरजीतसिंह:, पुलिसमहानिरीक्षक: विमल: गुप्ता, उपपुलिसमहानिरीक्षक: (डीआईजी) दिवाकर: शर्मा, प्रथमवाहिन्या: वनगढ़स्य समादेशिका डॉ. आकृति शर्मा अनेके वरिष्ठपुलिसाधिकारिण: चापि उपस्थिता अभवन्।
