Manimahesh Yatra- मणिमहेशयात्रायाः मध्ये निरुद्धा: शिवभक्ताः सुरक्षिताः सन्ति, प्रशासनेन द्वितीया सूची अपि प्रकाशिता
हिमसंस्कृतवार्ता: – चम्बा।
अस्मिन् समये प्रकृतिः चम्बायामपि विनाशं कृतवती अस्ति। भूस्खलनेन, प्रचण्डवृष्ट्या च सर्वे मार्गाः, उपमार्गाः च निर्मूलिताः। प्रकृतेः एषः विनाशः मणिमहेशयात्रायां अपि दृष्टः अस्ति, यत्र प्रचण्डवृष्ट्या महान् विनाशः जातः, यस्मात् कारणात् प्रशासनेन यात्रायाः स्थगनं कर्तव्यम् आपतितम्। विनाशस्य दृश्यं तादृशं यत् सहस्राणि शिवभक्ताः मार्गे एव निरुद्धा:। न ते अग्रे गन्तुं शक्नुवन्ति न च निवर्तयितुं शक्नुवन्ति, यतः मार्गा नास्ति, पथानां च लेशः नास्ति। एतस्मिन्नन्तरे यात्रायां निरुद्धानां जनानां उद्धारस्य कार्यं युद्धपदे प्रचलति। प्रशासनेन अधुना सुरक्षितस्थानेषु नीतानां जनानां अन्यसूची प्रकाशिता, येन परिवारजनाः ज्ञातुं शक्नुवन्ति यत् स्वप्रियजनाः सुरक्षिताः सन्ति।
