देवेन्द्रशर्मा सिरमौरजनपद: संस्कृतशिक्षकपरिषदः अध्यक्षः

देवेन्द्रशर्मा सिरमौरजनपद: संस्कृतशिक्षकपरिषदः अध्यक्षः, गोविन्दशर्मा महासचिवः, अतुलकुमारः वित्तसचिवः च चयनित: ।
हिमसंस्कृतवार्ता: – डॉ नरेन्द्रराणा सिरमौर: ,नाहनम् ।
हिमाचल-राजकीय-संस्कृतशिक्षक-परिषदः त्रिवार्षिकनिर्वाचनप्रक्रियायां सिरमौरमण्डलस्य निर्वाचनं रविवासरे, २९ जूनदिनाङ्के सर्वसम्मत्या राजकीय-उच्च-विद्यालय-कैन्ट्-नाहनम् इत्यत्र सम्पन्नम् । यस्मिन् डॉ. योगेशशास्त्री निर्वाचनपदाधिकारीरूपेण, सुशीलकुमारः च पर्यवेक्षकरूपेण उपस्थितः आसीत्। पूर्वकार्यकारिणी स्वस्य प्रतिवेदनं प्रस्तुतम्, तदनन्तरं च पूर्वाध्यक्षेण वेदप्रकाश-पराशरेण कार्यकारिणीं विघट्य निर्वाचनपदाधिकारिणं निर्वाचनप्रक्रियायाः अनुरोधं कृतम्। निर्वाचनाधिकारी डॉ. योगेश अत्रीवर्येण संवैधानिक-प्रक्रियाया: अनुसरणं कृत्वा निर्वाचन-प्रक्रिया सम्पन्नम् । यस्यां देवेन्द्र शर्मा सिरमौरजनपद: संस्कृतशिक्षकपरिषदः अध्यक्षः, गोविन्दशर्मा महासचिवः, अतुलकुमारः वित्तसचिवः च चयनित: । नवनिर्वाचितः अध्यक्षः महासचिवः वित्तसचिवः च सिरमौरमण्डलस्य सर्वेषां संस्कृतशिक्षकाणां धन्यवादं कृतवन्त:। एतेन सह संस्कृतशिक्षकाणां संस्कृतिसम्बद्धविषयान् अग्रे नेतुम् एकीकृत्य अग्रे गन्तुं संकल्पश्च कृतवन्त: ।