इरानदेशः स्वस्य परमाणु-सौकर्येषु अमेरिकीय-सैन्याक्रमणस्य निन्दां कृतवान्

इरानदेशः स्वस्य परमाणु-सौकर्येषु अमेरिकीय-सैन्याक्रमणस्य निन्दां कृतवान्
हिमसंस्कृतवार्ता: – इरानदेशः बेन्-गुरियोन्-विमानस्थानकं, जैविकसंशोधनकेन्द्राणि, कमांड्-कोरिट्रोल-सौकर्याणि च लक्ष्यीकृत्य, आपरेशन्-“टू-प्रोमिस्-3” इत्यस्य भागरूपेण अस्य वर्षस्य प्रारम्भे एव इजरायल-देशं विरुध्य स्वस्य सर्वाधिकं महत्त्वपूर्ण प्रक्षेपास्त्र-प्रहारं निष्पादयत्। इस्लामिक्-रिवोल्यूषनरी-गाई-कार्ड्स इत्यनेन दृढीकृतं यत् सद्यः एव अमरिका इजरायल-देशयोः इरानी-भूभागे कृतानां वायु-आक्रमणानां प्रतिक्रियारूपेण आक्रमणानि प्रारब्धानि, येन वर्तमानस्य पश्चिम-एशियायाः द्वन्द्वे आपत्कर-वृद्धिः अभवदिति। इरान-देशस्य विदेशमन्त्रालयः एतत् आक्रमणम् क्रूरतायाः कृत्यम् इति अमन्यत, तेन सञ्चेतितञ्च यत् परिणामानां कृते संयुक्तराज्यम् एव पूर्णतया उत्तरदायी भविष्यतीति ।
इजरायल-देशस्य प्रधानमन्त्री बेञ्जामिन नेतन्याहुः इरानदेशस्य परमाणु-स्थापनानामुपरि कृताक्रमणस्य निर्णयाय राष्ट्रपति: ट्रम्पम् अभिनन्दयति
हिमसंस्कृतवार्ता: – इजरायल-देशस्य प्रधानमन्त्री बेञ्जामिन नेतन्याहुः इरानदेशस्य परमाणु-स्थापनानामुपरि कृताक्रमणस्य निर्णयाय राष्ट्रपति: ट्रम्पम् अभिनन्दयति। सः इरान-देशस्योपरि कृताक्रमणस्य सचलचित्राङ्कनमपि प्रकाशितवान्। सः इतोऽपि अवदत् यत्, आपरेशन्-रैजिङ्ग्-लयन् इत्यस्मिन् इजरायल-देशः यथार्थतया अद्भुतानि कार्याणि अकरोत्।
ईरानदेशे अमेरिकी आक्रमणं भयावहमस्ति – संयुक्तराष्ट्रसंघस्य महासचिवः एण्टोनियो गुटेरेस:
हिमसंस्कृतवार्ता: – संयुक्तराष्ट्रसंघस्य महासचिवः एण्टोनियो गुटेरेस् इत्यनेन ईरानदेशे अमेरिकी आक्रमणं भयावहमस्तीति वर्णितम्। मध्यपूर्वे द्वन्द्वः शीघ्रमेव नियंत्रणात् बहिः गन्तुं शक्नोति इति संचेतनाम् सः अयच्छत्। सामाजिक-माध्यमेषु सः उक्तवान् यत् एतत् अन्ताराष्ट्रिय-शान्ति: सुरक्षयोः प्रत्यक्षः संकटः अस्ति। सः सदस्य-राज्येभ्यः आवाहनं कृतवान् यत् ते संयुक्त राष्ट्रसंघस्य विधीनां अन्येषां नियमानाम् चान्तर्गतं स्वदायित्वं निर्वहन्तु । सः बोधितवान् यत्, वस्तुतः सैन्य-समाधानं नास्ति तथा च अग्रे गन्तुं एकमात्रः मार्गः कूटनीतिः एव अस्ति।

प्रधानमन्त्री नरेन्द्रमोदी ईरान्-देशस्य राष्ट्रपतिना सह वार्तालापं कृत्वा इरान्-इजरायल-देशयोः मध्ये वर्तमानस्य द्वन्द्वस्य वृद्धौ गभीरां चिन्तां प्रकटितवान्
हिमसंस्कृतवार्ता: – प्रधानमन्त्रिणा नरेन्द्रमोदिना ईरान-देशस्य राष्ट्रपतिना मसूद पेज़ेश्कियान् इत्यनेन सह वार्तालापं कृत्वा इरान्-इजरायल-देशयोः मध्ये सद्यः एव उद्धृतस्य उद्विग्नतायाः विषये गभीरा चिन्ता प्रकटिता। अस्यां चर्चायां नेतारौ वर्तमान-स्थितिं विस्तरेण चर्चितवन्तौ। श्रीमोदी सामाजिक-प्रसारमाध्यमिकसन्देशे अकथयत् यत् क्षेत्रीयशान्तेः, सुरक्षायाः, स्थिरतायाः च शीघ्रतया स्थापनस्य मार्गः युद्धविराम एवास्ति ।