Shimla News: चम्याना-चिकित्सालये आन्तरिक- रोगीविभाग- सेवाः आरब्धाः, मुख्यमंत्री सुक्खुः उद्घाटनं कृतवान्
हिमसंस्कृतवार्ता:- शिमला। मुख्यमन्त्री सुखविन्दरसिंहसुक्खुः शिमलासमीपस्थे अटल- इन्स्टीट्यूट- ऑफ- मेडिकल- सुपरस्पेशलिटी, चमियाना इत्यत्र आन्तरिकरोगीविभागसेवानाम् उद्घाटनं कृतवान्। वर्धमानां रोगिणां संख्यां पूरयितुं आईजीएमसी शिमलायां उत्तमस्वास्थ्यसेवासुविधाः प्रदातुं जठरान्त्रविज्ञानं, न्यूरोलॉजी, अन्तःस्रावीविज्ञानं, नेफ्रोलॉजी, मूत्रविज्ञानं, प्लास्टिकसर्जरी च विभागान् आईजीएमसीतः चम्याना सुपर स्पेशलिटी चिकित्सालयं प्रति स्थानान्तरितम् अस्ति। हृदयविज्ञानं तथा हृदयवक्षःसंवहनीशल्यक्रिया (CTVS) सेवाः अपि आगामिमासद्वये अस्मिन् चिकित्सालये स्थानान्तरिताः भविष्यन्ति। मुख्यमन्त्री चिकित्सालयस्य निरीक्षणं कृत्वा रोगिणां कृते गुणवत्तापूर्णस्वास्थ्यसेवासुनिश्चयं कर्तुं अधिकारिभ्यः निर्देशं दत्तवान्। सः चिकित्सालयस्य परिसरे अधिकारिभिः सह सभां कृत्वा रोगिभ्यः प्रदत्तानां सेवानां विषये सूचनां गृहीत्वा आवश्यकपरिष्कारार्थं निर्देशान् दत्तवान्। समागमे मुख्यमन्त्री लोकनिर्माणविभागाय चिकित्सालयं प्रति गच्छन् मार्गस्य अधिकपरिष्काराय अपि निर्देशं दत्त्वा रोगिणां सुविधायै परिवहनसुविधाः अपि सुदृढाः भविष्यन्ति इति अवदत्।सुखविन्दरसिंहसुक्खुः अवदत् यत् चम्याना- चिकित्सालयस्य निर्माणं बहुकालात् अस्ति, परन्तु तस्य सम्पन्नीकरणस्य कार्यं वर्तमानसर्वकारेण क्रियते। सः अवदत् यत् राज्यसर्वकारः स्वसम्पदा सह एतत् कार्यं सम्पन्नं करोति, निर्माणकार्यं सम्पन्नं कर्तुं २३ कोटिरूप्यकाणां राशिः स्वीकृता। सः अवदत् यत् अस्मिन् चिकित्सालये ३३७ शय्यानां क्षमता अस्ति तथा च अस्मिन् उच्चस्तरीयस्य शल्यक्रियागृहस्य, कैथ- प्रयोगशालायाः च सुविधाः सन्ति। आगामिषु षड्मासेषु एतत् चिकित्सालयं पूर्णतया कार्यरतं भविष्यति।मुख्यमन्त्री उक्तवान् यत् राज्यसर्वकारः चम्याना- चिकित्सालयस्य अपि च सर्वेषां चिकित्सा- महाविद्यालयानाम्, क्षेत्रीय- चिकित्सालयानां च आधुनिक-प्रौद्योगिक्या उन्नयनं कुर्वन् अस्ति, येन राज्यस्य अन्तः एव रोगिणां कृते विश्वस्तरीयाः सुविधाः उपलभ्यन्ते इति। अनेन रोगिणां समयस्य धनस्य च रक्षणं भविष्यति। सः अवदत् यत् चम्याना राज्यस्य प्रथमं चिकित्सालयं भविष्यति यत्र रोबोटिक- शल्यक्रियायाः सुविधा भविष्यति, तदनन्तरं काङ्गड़ामण्डलस्य टाण्डाचिकित्सालये अपि एषा सुविधा उपलब्धा भविष्यति। राज्यसर्वकारः टाण्डा, हमीरपुरं नेरचौक: इत्यत्र स्थितेषु चिकित्सामहाविद्यालयेषु ३ टेस्ला एमआरआई यन्त्राणां स्थापनायाः प्रक्रियायां वर्तते येन रोगिणां विशेषचिकित्सासेवाः प्रदातुं शक्यन्ते। आईजीएमसी इत्यस्मिन् विद्यमानं एमआरआई-यन्त्रं शीघ्रमेव प्रतिस्थाप्यते। मुख्यमन्त्री उक्तवान् यत् चिकित्सालयेषु चिकित्सासेवाः विश्वस्तरीयाः कर्तुं दृष्ट्या राज्यसर्वकारः आधुनिकप्रौद्योगिक्याः कृते २०० कोटिरूप्यकाणि व्यययति।
