Shimla News : ऐतिहासिके रिजस्थले स्थापिता भविष्यति पूर्वमुख्यमन्त्रिण: वीरभद्रसिंहस्य प्रतिमा
हिमसंस्कृतवार्ता: – डॉ पद्मनाभ:।
शिमला। षड्वारं राज्यस्य मुख्यमन्त्री-भूते स्वर्गीयस्य वीरभद्रसिंहस्य प्रतिमा हिमाचलप्रदेशस्य राजधान्या: शिमलाया: ऐतिहासिके रिजस्थले स्थापिता भविष्यति। इयं प्रतिमा दौलतसिंहवाटिकायां हिमाचलनिर्मातु: डॉ. यशवन्तपरमारस्य प्रतिमायाः पार्श्वे स्थापिता अस्ति। वीरभद्रसिंहस्य जन्मदिवसे जूनमासस्य २३ दिनाङ्के अस्य अनावरणं भविष्यति। तदर्थं राजा वीरभद्रसिंह फाउण्डेशन संस्था सर्वव्ययम् वहति। सर्वकारात् कोऽपि साहाय्यं न गृहीतम् भविष्यति। लोकनिर्माणमन्त्री तथा न्यासस्य अध्यक्षः विक्रमादित्यसिंहः शनिवासरे शिमलानगरे पत्रकारसम्मेलने एतां सूचनां दत्तवान्।
सः अवदत् यत् राजा वीरभद्रसिंह फाउण्डेशन-इत्यस्य नाम्ना नूतनं न्यासं पञ्जीकृतम् अस्ति। विक्रमादित्यसिंहः अवदत् यत् सम्प्रति अस्मिन् न्यासे कागदपत्राणि सम्पन्नं कर्तुं चत्वारः जनाः समाविष्टाः सन्ति। परन्तु आगामिकाले अधिकाः जनाः अपि तस्मिन् समाविष्टाः भविष्यन्ति। एषः न्यासः दलगतराजनीत्याः उपरि कार्यं करिष्यति इति सः अवदत्। यतः वीरभद्रसिंहः दलगतराजनीत्याः उपरि कार्यं कृतवान्, षड्वारं राज्यस्य मुख्यमन्त्री च अभवत् । काङ्ग्रेस-भाजपा-विहाय सर्वेषां वर्गानां जनाः अस्मिन् सम्मिलितुं शक्नुवन्ति।
विक्रमादित्यसिंह: न्यासस्य सङ्घटनस्य मुख्योद्देश्यं दूरस्थक्षेत्रेषु जनानां सेवाप्रदानम् अस्ति। अस्मिन् स्वास्थ्यस्य, शिक्षायाः, जीविकाया: च साधनानि प्रदातुं विभिन्नक्षेत्रेभ्यः विशेषज्ञाः समाविष्टाः भविष्यन्ति । मुख्यमन्त्रिणे सुखविन्दरसिंहसुक्खुने धन्यवादं दत्त्वा सः अवदत् यत् मुख्यमंत्री सुक्खुः सर्वसम्भवसहायतायाः आश्वासनं दत्तवान्। परन्तु जनानां भावाः वीरभद्रसिंहस्य प्रति आसक्ताः सन्ति, जनाः साहाय्यं कर्तुं सज्जाः सन्ति। एतादृश्यां परिस्थितौ फाउण्डेशनेन स्पष्टीकृतं यत् सः एव सर्वव्ययस्य वहनं करिष्यति, सर्वकाराद् किमपि साहाय्यं न स्वीकरिष्यते इति।
