Himachal News : केन्द्रसर्वकाराद् विशेष औद्योगिकपुटकम् याचितवान् मुख्यमंत्री सुक्खुः
हिमसंस्कृतवार्ता: – शिमला।
मुख्यमन्त्री सुखविन्दरसिंहसुक्खुः नवदेहल्यां केन्द्रीयव्यापार-उद्योगमन्त्री पीयूषगोयलं मिलितवान् । मुख्यमन्त्री केन्द्रीयमन्त्रिण: हिमाचलप्रदेशाय विशेष औद्योगिकपुटकं प्रदातुं आग्रहं कृतवान्। सः अवदत् यत् सन्तुलितक्षेत्रीयविकासः सुनिश्चित्य जम्मू-कश्मीर-पूर्वोत्तरराज्ययोः समं हिमाचलप्रदेशाय विशेष औद्योगिकपुटकं प्रदातुं समयस्य आवश्यकता अस्ति। हिमाचलसदृशानां पर्वतीयक्षेत्राणां कृते परिवहनसहायतायोजनां पूर्ववत् पुनः आरभ्यत इति अपि आग्रहं कृतवान् । मुख्यमन्त्री उक्तवान् यत् राज्ये कठिनभौगोलिकस्थित्या परिवहनस्य व्ययः अतीव अधिकः अस्ति।
सुक्खुः उक्तवान् यत् एतेन औद्योगिक-उत्पादनस्य, निर्यातस्य च प्रवर्धने बहु साहाय्यं भविष्यति। औद्योगिकमूलसंरचनाविकासपरियोजनानां, गुणवत्तापरीक्षणप्रयोगशालानां, निर्यातप्रवर्धनार्थं प्रमाणीकरणप्रयोगशालानां च कृते उदारवित्तीयसहायतायाः अपि आग्रहं कृतवान्। मुख्यमन्त्री औद्योगिकविकासयोजनायाः अन्तर्गतं लंबितराशिं पूंजीसहायतां विमोचयितुं, आईडीएस-अन्तर्गतं लम्बितप्रकरणानाम् शीघ्रं अनुमोदनस्य च आग्रहं कृतवान्। केन्द्रीयमन्त्री आश्वासनं दत्तवान् यत् राज्यसर्वकारस्य सर्वासां याचनानां विषये च सहानुभूतिपूर्वकं विचारः भविष्यति तथा च राज्याय सर्वा सम्भवा सहायता प्रदत्ता भविष्यति।
HP Politics : भाजपायाः आरोपः, केवलं प्रश्नान् परिहर्तुं आहूतम् ४ दिवसस्य शिशिरस्य सत्रम्
हिमसंस्कृतवार्ता: – शिमला।
हिमाचलप्रदेशविधानसभायाः शिशिरसत्रस्य तिथिनिर्णयानन्तरं राजनैतिकी अशान्तिः तीव्रा अभवत् । अधिवेशनस्य अवधिः केवलम्ं चत्वारि दिनानि कर्तुम् इति कारणेन भारतीयजनतापक्षेण काङ्ग्रेससर्वकारे तीव्रं वाक्प्रहारं कृतम्। भाजपाराज्यमाध्यमप्रभारी विधायकः रणधीरशर्मा च अवदत् यत् विपक्षस्य प्रश्नान् परिहर्तुं काङ्ग्रेससर्वकारः एतादृशानि पदानि गृह्णाति।
रणधीरशर्मा इत्यनेन उक्तं यत् वर्तमानकाङ्ग्रेससर्वकारस्य निर्णयैः देशे सर्वत्र हिमाचलप्रदेशस्य प्रतिबिम्बं क्षतिग्रस्तं जातम्। अधुना विपक्षस्य प्रश्नान् परिहर्तुं चतुर्दिवसीयं शिशिरसत्रम् आहूय जनान् भ्रामयितुं प्रयत्नः क्रियते। प्रावृट्सत्रस्य विस्तारः कृतः इति तर्कः भविष्यति, परन्तु ततः पूर्वं बजटसत्रम् अपि लघुकृतम् आसीत् । रणधीरशर्मा उक्तवान् यत् विधानसभा अध्यक्षस्य वक्तव्येभ्यः सः सर्वकारस्य आज्ञानुसारं कार्यं कुर्वन् अस्ति इति भासते। विधानसभासभापतिपदं गौरवस्य प्रतीकं भवति, परन्तु तस्य अद्यतनवक्तव्यं लोकतान्त्रिकपरम्पराणां संवैधानिकशिष्टाचारस्य च विरुद्धम् अस्ति। सभापतिना नवविधायकानां सदस्यतायाः विषये विवादास्पदानि वक्तव्यानि दत्तानि, येषां उद्देश्यं केवलं विधायकानां भयोत्पादनाय, प्रभावं स्थापयितुं च इति दृश्यते।
भाजपा विश्वसिति यत् विधानसभाध्यक्षः किमपि अवैधं अलोकतान्त्रिकं च कार्यं परिहरति इति रणधीरशर्मा उक्तवान् यत् अध्यक्षस्य पूर्वनिर्णयस्य विषये अपि न्यायालये स्थगनं न दत्तम्। शेषवरीयताया: निर्णयः न कृतः। उपनिर्वाचनघोषणाकारणात् विधायकाः एव स्वस्य याचिकां निवृत्ताः सन्ति। अतः सभापति: निष्पक्षः भवेत्, न तु नियमात् उपरि आत्मानं मन्यते । यदि सः किमपि अलोकतान्त्रिकं अधिनायकत्वं च निर्णयं गृह्णाति तर्हि भाजपा प्रत्येकस्मिन् स्तरे तस्य विरोधं करिष्यति। भाजपा विधायकाः अपि जनसमूहेन निर्वाचिताः भवन्ति, ते संतर्जनाभ्य: न बिभ्यन्ति।
HP NEWS :सोमवासरे गुरुवासरे च स्वकार्यालये उपस्थितः भूत्वा जनसमस्यानां अनिवार्यतया समाधानं करिष्यन् उपायुक्ता: पुलिसाधीक्षका: च
हिमसंस्कृतवार्ता: – शिमला।
मुख्यमन्त्रिण: सुखविन्दरसिंहसुक्खो: आदेशानुसारम् अधुना सर्वेषां मण्डलानां उपायुक्ताः प्रतिसप्ताहं सोमवासरे गुरुवासरे च स्वकार्यालयेषु उपस्थिताः भूत्वा अनिवार्यतया जनसमस्यानां समाधानं करिष्यन्ति। प्रशासनिकसुधारसचिवः अस्मिन् विषये अधिसूचना कृतवान् अस्ति। आदेशानुसारं सोमवासरस्य गुरुवासरस्य वा सार्वजनिकावकाशस्य सन्दर्भे अग्रिमे कार्यदिने उपायुक्तः कार्यालये उपस्थितः भविष्यति। एते निर्देशाः सर्वेषु जिलापुलिसाधीक्षकेषु अपि प्रवर्तन्ते।
मुख्यमन्त्री ७-८ नवम्बर् दिनाङ्के शिमलानगरे डीसी-एसपी-सम्मेलने एतान् निर्देशानृ दत्तवान् आसीत् । सः अवदत् यत् सार्वजनिकसमस्यानां शीघ्रं निवारणाय सप्ताहस्य कतिपयेषु दिनेषु उपायुक्ताः, पुलिसाधीक्षकाः च कार्यालये उपस्थिताः भवेयुः येन जनानां समस्यानां समये समाधानं सुनिश्चितं कर्तुं शक्यते। सुक्खुः उक्तवान् यत् राज्यसर्वकारः सुशासनं प्राधान्यं दत्त्वा जनानां समस्यानां शीघ्रं निराकरणं प्रति ध्यानं ददाति। राज्यसर्वकारेण ‘सर्वकार: ग्रामस्य द्वारम्’ इति कार्यक्रमः अपि आरब्धः, यस्मिन् सर्वे मन्त्रिणः ग्रामीणक्षेत्रेषु गत्वा स्थले एव जनानां समस्यानां समाधानं कुर्वन्ति।
सः अवदत् यत् राजस्वलोक-न्यायालय-सञ्चालनेन अद्यावधि २.५ लक्षाधिकाः लम्बितराजस्वप्रकरणाः निराकृताः, जनानां कृते पुनः पुनः सर्वकारीयकार्यालयेषु गन्तुं न प्रयोजनम्। मुख्यमन्त्री उक्तवान् यत् उत्तमसुशासनस्य कृते जिला उपायुक्तः महत्त्वपूर्णा श्रृंखला अस्ति। यदि जनपदेषु जनानां समस्याः समये एव निराकृताः भवन्ति तर्हि जनसामान्यं संबलं प्रदास्यते, प्रशासनिकप्रक्रिया अपि अधिकप्रभाविणः भविष्यन्ति। एतदर्थं सर्वेभ्यः उपायुक्तेभ्यः प्रतिसप्ताहं द्वयो: दिवसयो: कार्यालये उपवेष्टुं निर्देशः दत्तः अस्ति।
