क्यार्टूसंस्कृतमहाविद्यालय: “रैड् रीबन क्लब” इत्यलभत

क्यार्टूसंस्कृतमहाविद्यालय: “रैड् रीबन क्लब” इत्यलभत
उपरि चित्रे – मुख्यप्रशिक्षिकया श्रीमत्या रमेंदर-मनचन्दा-महोदयया सह क्यार्टूसंस्कृतमहाविद्यालयस्य प्रतिनिधय:
डॉ.सन्तोषकुमार: – राजकीय-संस्कृत-महाविद्यालय: क्यार्टू प्रथमवारं “रैड् रीबन क्लब” प्राप्तवान् । एतस्य मुख्यं प्रयोजनं “AIDS” इत्साध्यरोगात् रक्षायै जनजागरणम्, तद्रोगग्रस्तानां यथायोग्यसहयोगकरणञ्चास्ति । योजनेयं केन्द्रसर्वकारस्यास्ति । महाविद्यालयस्य प्राचार्यै: डॉ.राकेशकुमारशर्ममहाभागै: “रैड् रीबन क्लब” इत्यस्य प्रथमसमन्वयकरूपेण महाविद्यालयस्य दर्शनाचार्य: डॉ.सन्तोषकुमार: निर्दिष्ट: । नवम्बरमास्य २८ दिनाङ्के राजकीय-उपाधि-महाविद्यालय: सञ्जोली इत्यत्र तत्सम्बद्धं प्रशिक्षणं जातम् । समन्वयकेन सहिता: महाविद्यालयप्रशासनेन चिता: शास्त्रि-तृतीय-वर्षस्य रविशर्मा, हर्षितश्च शास्त्रि-द्वितीय-वर्षस्य भीष्मश्चेति त्रय: छात्रा: एतत्प्रशिक्षणमाप्नुवन् । शिमलाजनपदस्य प्रायश: ३० “रैड् रीबन क्लब” इत्येतेषां प्रतिनिधय: तत्र प्रशिक्षणं प्राप्तवन्त: । “ICTC DDU” शिमलात: आगता श्रीमती रमेंदर-मनचन्दा-महोदया तत्र मुख्यप्रशिक्षिका आसीत् ।