SPU Mandi : मंडीक्षेत्रस्य परम्परागतफलानि, जैविक- सांस्कृतिकधरोहरान् च संरक्षयितुं कार्यं कुर्वन्तु- आचार्य: ललितकुमार अवस्थी
हिमसंस्कृतवार्ता:- डॉ. अमित शर्मा
सरदारपटेलविश्वविद्यालये मंडी इत्यत्र इतिहासविभागेन भारतीय- सांस्कृतिक- निधि: (इंटेक) मंडी चेप्टरद्वारा विश्व- धरोहर- सप्ताहस्य उपलक्ष्ये अतिथिव्याख्यानस्य (विरासतचर्चा) आयोजनम् इतिहासविभागे माण्डवपरिसरे जातम्। आचार्य: ललितकुमार अवस्थी कुलपति:, सरदारपटेलविश्वविद्यालय: मंडी मुख्यातिथिरूपेण उपस्थित: आसीत्। कार्यक्रमस्य अध्यक्षता नरेश मल्होत्रा समन्वयक: इंटेक अकरोत्। आचार्य: अनुपमा सिंह प्रतिकुलपति:, आचार्य: ललितमल्होत्रा विशिष्टातिथि:, डॉ. तारासेन मुख्यवक्ता आसीत्। कार्यक्रमस्य शुभारम्भे इतिहासविभागस्य सहायकाचार्य: कार्यक्रमसंयोजकश्च डॉ. राकेशकुमारशर्मा सर्वेषां स्वागतं कुर्वन् अवदत् यत् अस्य कार्यक्रमस्य उद्देश्यं मंडीक्षेत्रस्य जैव विविधतानां, परंपराणां, वन्यफलानां च ऐतिहासिकमहत्वस्य जागरणमस्ति। मुख्यातिथि: अवदत् यत् भारतीयसांस्कृतिकनिधे: (इंटेक) स्थापना सांस्कृतिकधरोहरस्य सरंक्षण कर्तुं कृता। सः इंटेक इत्यस्य सर्वेभ्यः पदाधिकारिभ्य: सांस्कृतिकविरासतसम्बन्धे कार्यं कर्तुं शुभकामना: दत्ता:, भविष्ये च इंटेक- सरदारपटेल विश्वविद्यालय: मंडी मिलित्वा सांस्कृतिकधरोहरै: सह युनां मेलनस्य कार्यं करिष्यन्ति। सः उक्तवान् यत् सरदार पटेल विश्वविद्यालय: मंडी न्यूनातिन्यूनं पञ्च ग्रामान् स्वीकृत्य तत्रस्थानां वन्यफलानां यथा- काफलं हिसालू, आमलकं बेड़ाना इत्यादीनां प्रसंस्करणविषये उक्तवा तेभ्यः आयस्य नवीनस्रोतांसि उत्पादयितुं सहायता करिष्यनति। अनेन कीटनाशकमुक्तानि एतानि फलानि, एतेषाम् उत्पादानां च विषये सर्वे जागरुका भवेयु:, देशस्य सर्वेषु भागेषु च इदं ज्ञानं गच्छेत्। छात्राणां समीपे एतस्य ज्ञानमेव न अपि तु एतेषाम् उपयोग- महत्त्वविषये चापि अवगमनस्य आवश्यकता वर्तते। आयोजकान् वर्धापयन् तेनोक्तं यत् मंडीक्षेत्रस्य जैविक- सांस्कृतिकधरोहरान् च संरक्षयितुम् इदं प्रेरणादायकं चरणं वर्तते। मुख्यवक्तारूपेण उपस्थित: सहायकाचार्य: वनस्पतिविज्ञानं वल्लभ- राजकीय- महाविद्यालय: मंडी डॉ. तारासेन वन्यफलानां औषधीयोपयोगिता ऐतिहासिकसंदर्भाश्च प्रकाशिता:। उक्तं च यत् मंडीक्षेत्रस्य ग्रामीणजीवने वन्यफलानां च गहनमहत्त्वमस्ति। एतानि न केवलं तेषां भोजनस्य भागं, प्राचीनचिकित्साप्रणाल्याम् अपि एतेषां महत्वमस्ति। कार्यक्रमस्य अध्यक्ष: नरेश मल्होत्रा वन्यफलानां संरक्षणम् उपयोगं च प्रोत्साहयितुं परामर्शं दत्तं यत् एतदर्थं कार्यकरणस्य आवश्यकता अस्ति। आचार्य अनुपमा सिंह उक्तवती यत् परिवर्तनशीले पर्यावरणीयपरिदृश्ये एतानि दुर्लभफलानि संकटे सन्ति। अतः एतेषां संरक्षणविषये चिंतनं, कार्यं च करणीयम्। अंते इंटेक इत्यस्य सहसमन्वयक: अनिल शर्मा उपस्थितानां सर्वेषां धन्यवादम् अकरोत्। कार्यक्रमे आचार्य राजेशकुमारशर्मा अधिष्ठाता छात्र कल्याणम्, डॉ. अक्षयकुमार: विभागाध्यक्ष: भौतिकविज्ञानविभाग: डॉ. पवन चाँद विभागाध्यक्ष: प्रबंधनविभाग:, सहायकाचार्य: डॉ. शिवान:, डॉ. बलबीर:, डॉ. रामपाल:, विकेशकुमार:, शोधार्थी राहुल वेद:, इतिहास सोसायटी इत्यस्य अध्यक्षा करीमा, सुभम, अनीष, हुमा सहितम् इतिहासविभागस्य छात्रा:, भारतीय- सांस्कृतिक- नीति: मंडी चैप्टर इत्यस्य सदस्या: ललित कपूर:, राजीव कुमार:, गजेंद्र बहल:, राजीव वैद्य:, बनिता मल्होत्रा, मृदु गोयल, नीरज शर्मा, निशी कपूर हितेश वैद्यश्च उपस्थिता: आसन्।
