Basketball Championship : बलद्वाड़ाक्षेत्रस्य पुत्री नव्या राष्ट्रीय बास्केटबॉल प्रतियोगितायां छत्तीसगढ़े क्रीडिष्यति
हिमसंस्कृतवार्ता: – अमरनाथ शास्त्री।
बलद्वाड़ाक्षेत्रस्य श्रीमती शैलबाला- राजकीय आदर्श- वरिष्ठ- माध्यमिक- विद्यालयस्य मेधावीछात्रायाः नव्यायाः अन्त: -१४ राष्ट्रीयस्तरस्य बास्केटबॉल-प्रतियोगितायै चयनं कृतम्। नव्या स्वस्य परिश्रमेण, समर्पणेन च एताम् उपलब्धिम् अवाप्तवती, येन विद्यालयस्य, अभिभावकानां, क्षेत्रस्य जनानां च मध्ये गौरवस्य वातावरणं निर्मितम् अस्ति। अस्मिन् अवसरे विद्यालयस्य प्रधानाध्यापिका शकुन्तलाठाकुर क्रीडाशिक्षक दिनेशकुमार: च नव्याया: उज्जवलभविष्यम् अकामयताम्। नव्याया: एषा सफलता अन्येषां छात्राणां कृते प्रेरणादायिनी भविष्यति इति प्रधानाचार्या अवदत्। नव्या मण्डल- राज्यस्तरस्य स्पर्धासु उत्कृष्टतां सिद्धवती अधुना राष्ट्रियस्तरस्य स्पर्धायां हिमाचलस्य प्रतिनिधित्वं करिष्यति।
