HP Weather: जोबरङ्गग्रामस्य फाण्डीनालिकायां जलप्रलयः, अनेकेषु भागेषु पञ्चदिनानि यावत् प्रचण्डवृष्टेः पीत- नारङ्गवर्णीया सचेतना
हिमसंस्कृतवार्ता: – कार्यालयीय: प्रतिनिधि:।
हिमाचलप्रदेशस्य लाहौल उपत्यकायाः जोबरङ्गग्रामस्य उपरि फाण्डीनालिकायां पर्वतात् रात्रौ आकस्मिकजलप्रलयेन आतङ्कः उत्पन्नः। परन्तु जलप्रलयेन अद्यापि कोऽपि क्षतिः न ज्ञातः। नालिका ग्रामं प्रति गच्छति इति कारणेन ग्रामजनाः चिन्तिताः सन्ति। २४ गृहाणां जनसंख्यायुक्तस्य जोबरङ्ग-ग्रामस्य जनाः वदन्ति यत् अधुना सुरक्षार्थम् अत्र तन्त्रीभित्तिः (क्रेटवाल) स्थापनम् आवश्यकम् अभवत्। अन्यथा वर्षायां नालिकायां जलप्लावनस्य नित्यं भयेन ग्रामजनाः जीवितुं बाध्यन्ते। जोबरंगपंचायतस्य पूर्वप्रमुखः सोमदेवः अवदत् यत् रात्रौ प्रायः १०:०० वादने स्वग्रामस्य उपरि फाण्डीनालिकायां जलप्रलयस्य कारणेन भयस्य वातावरणं वर्तते। ग्रामजनाः मशालैः सह वर्षाणां मध्ये स्वगृहात् बहिः सुरक्षितस्थानं प्रति गतवन्तः। प्रशासनाय अपि घटनायाः विषये सूचितम्। ऋतुविज्ञानविभागस्य अनुसारं राज्यस्य केषुचित् स्थानेषु ९ अगस्तपर्यन्तं प्रचण्डवृष्टे: सचेतना वर्तते। प्रदेशे ११ अगस्तपर्यन्तं प्रतिकूलवातावरणस्य संभावना अस्ति। विभागस्य अनुसारं अगस्त ७ दिनांके ऊनाया:, कांगड़ाया: व सिरमौरजनपदस्य च केषुचित् स्थानेषु प्रचण्डवृष्टे: नारङ्गवर्णीयसचेतना प्रसारिता अस्ति।
आपदा- प्रबन्धन- प्राधिकरणेन परामर्शनिर्देशिका प्रसारिता
ऋतुविभागस्य सचेतनां दृष्ट्वा राज्यस्य आपदाप्रबन्धनप्राधिकरणेन परामर्शपत्रं प्रसारितम्। प्राधिकरणस्य अनुसारं वर्षा, हिमस्खलनं, भूस्खलनं च प्रवणक्षेत्रेषु उपरितनपर्वतीयक्षेत्रेषु गमनं परिहर्तव्यम्। प्रतिकूले वातावरणे पदयात्रा, उच्चोच्चक्षेत्रेषु गमनम् अपि भयङ्करं भवितुम् अर्हति। विद्युत्प्रकोपस्य सति गृहेषु अथवा सुरक्षितभवनेषु न्यूनातिन्यूनं ३० निमेषान् यावत् तिष्ठेत्। नद्यः, धारासु च न गच्छन्तु, यतः वर्षाकाले जलस्तरस्य आकस्मिकवृद्धेः संकटः भवति। नदीसमीपे निवसन्तः जनाः अधिकं सावधानाः भवेयुः। ऋतुविभागेन निर्गतानां सचेतनां विषये ध्यानं दत्त्वा रेडियो/दूरदर्शने प्रसारितानि ऋतुवार्ता: शृणुत। ग्रामपंचायत प्रधान:, उपप्रधान:, सार्वजनिका: संस्था:, पदयात्रिभि: चानुरोध: वर्तते यत् ते एतद् सन्देशं अधिकाधिकं प्रसारयन्तु। कस्यापि आपत्कालस्य सन्दर्भे राज्य- आपदा- प्रबन्धन- प्राधिकरणस्य दूरभाषसङ्ख्यासु सूचयन्तु।
बङ्गाणायाम् अत्यधिकवृष्ट्या नद्यः नालिकाः च प्रवाहिताः, क्षेत्रेषु मक्काधान्यं विकीर्णम्
सोमवासरे प्रातःकाले उपमण्डलबङ्गाणाक्षेत्रे प्रचण्डवृष्ट्या लघुनालिकासु जलस्य प्रबलप्रवाहः दृष्टः। तस्मिन् एव काले मक्का- चरी- बाजरा- तिलहन- इत्यादीनि अन्यसस्यानि अपि केषुचित् स्थानेषु अस्याः वर्षायाः कारणेन क्षतिं प्राप्नुवन्। खरयालता, डीहर व धनेत पंचायतस्य केषुचित् ग्रामेषु अत्यधिकवृष्ट्या मक्कासस्यं क्षेत्रेषु पतितम्। केषुचित् स्थानेषु वर्षाजलेन सस्यक्षेत्रेषु तडागाः निर्मिताः। सोमवासरे प्रातःकाले वर्षाकारणात् लुणखर-उपनदस्य जलस्तरः सहसा वर्धितः। प्रशासनेन मातापितृभ्यः अनुरोधः कृतः यत् ते स्वसन्ततिं नद्यः, धाराः, उपनद्या: च समीपं न गन्तुं दद्युः।
ब्यासनदीतीरे न गच्छन्तु, लारजी- जलबन्धात् १०० क्यूमेक्स- अतिरिक्तजलं मुक्तं भविष्यति
उपमण्डलाधिकारी (एसडीएम) मण्डी ओमकान्तठाकुरेण उक्तं यत् ब्यास नद्यां पङ्कस्य परिमाणस्य वर्धनेन लारजीविद्युत्गृहस्य यन्त्राणि स्थगितानि सन्ति। अस्य कारणात् जलबन्धप्रबन्धनेन लारजीजलबन्धात् प्रायः १०० क्यूमेक अतिरिक्तजलं मुक्तं भविष्यति। आवश्यकता चेत् पश्चात् अतिरिक्तं जलं नद्यां मोक्तुं शक्यते। जलस्य विमोचनेन ब्यास-नद्याः निम्नक्षेत्रेषु जलस्तरः वर्धते। सः ब्यास-नद्याः अधः क्षेत्रेषु निवसतां जनान् जीवन-सम्पत्त्याः सुरक्षायै नदीतीरे न गच्छन्तु इति उपदेशं दत्तवान्। सः अवदत् यत् जनान् ब्यास-नद्याः तटे न गच्छन्तु इति चेतयितुं हूटर-वादकाः फूत्कृताः सन्ति तथा च सार्वजनिक- सम्बोधन- व्यवस्थायाः माध्यमेन विभिन्नेषु स्थानेषु घोषणाः क्रियन्ते।
