PMGSY : शताधिकजनसंख्यायुक्ताः ग्रामाः प्रधानमंत्री- ग्रामीणमार्गयोजनाया: चतुर्थे चरणे मार्गसुविधाभिः सह सम्बद्धाः भविष्यन्ति
हिमसंस्कृतवार्ता: – नूरपूरम्।
लोकनिर्माणमन्त्री विक्रमादित्यसिंहः अवदत् यत् पथसुविधाभ्यः वंचिताः १००तः २०० यावत् जनसंख्यायुक्ताः ग्रामाः पीएमजीएसवाई-चरण-४ मध्ये मुख्यमार्गैः सह सम्बद्धाः भविष्यन्ति। विक्रमादित्यसिंहः बुधवासरे नूरपुरे पत्रकारसम्मेलनं कृतवान्। सः अवदत् यत् केन्द्रीयबजटे पीएमजीएसवाई- चरण-चतुर्थस्य घोषणा कृता। पीएमजीएसवाई-चरण-प्रथमे अवशिष्टाः ९०० कि.मी.दीर्घाः मार्गाः अपि तस्मिन् योजिताः भविष्यन्ति। सः अवदत् यत् निर्माणकार्येषु गुणवत्ता, समयसापेक्षता, पारदर्शिता च सुनिश्चितं करणं राज्यसर्वकारस्य प्रथमा प्राथमिकता अस्ति। लोकनिर्माणविभागेन क्रियमाणेषु निर्माणकार्येषु गुणवत्तां सुनिश्चित्य सः स्वयमेव क्षेत्रं गत्वा कार्याणां निरीक्षणं कुर्वन् अस्ति। सः अवदत् यत् राज्यसर्वकारः निर्माणकार्यस्य गुणवत्तायाः विषये किमपि सन्धिं न करिष्यति।
निर्माणकार्येषु प्रमादस्य कारणेन अनुबन्धका: कृष्णसूच्यां भविष्यन्ति
निर्माणकार्य्ये प्रमादं कुर्वन्तः अनुबन्धका: प्रथमसचेतनायाः अनन्तरं कृष्णसूच्यां भविष्यन्ति यदि कार्यस्य गुणवत्ता निर्धारितमानकानुसारं न भवति। विभागस्य गुणवत्तानियन्त्रणपक्षः सुदृढः अभवत् इति सः अवदत्। विभिन्नस्थानेषु प्रचलति निर्माणकार्यस्य गुणवत्तायाः निरन्तरं निरीक्षणार्थं प्रतिरूपाणि ग्रहीतुं पक्षाय निर्देशः दत्तः येन गुणवत्तायाः विषये विशेषं ध्यानं दातुं शक्यते। विक्रमादित्यः अवदत् यत् नूरपुरवृत्ते विधायकप्राथमिकता, नाबार्ड, आरआईडीएफ, पीएमजीएसवाई चलण- ३ इत्येतेषां माध्यमेन ३३ मार्गेषु कार्यं क्रियते। विभागः मार्गनिर्माणे एफडीआर-प्रौद्योगिक्याः उपयोगं करिष्यति, यस्मिन् मार्गसामग्रीणां पुनः उपयोगः भविष्यति। एतेन धनस्य रक्षणे अपि च पर्यावरणसंरक्षणे अपि सहायता भविष्यति। लोकनिर्माणमन्त्री उक्तवान् यत् पीएमजीएसवाई चरण-३ अन्तर्गतं नूरपुर उपमण्डले पञ्च सेतुनिर्माणं भविष्यति। सः सूचितवान् यत् अत्र नाबार्ड-अन्तर्गतम् एककोटिरूप्यकाणां व्ययेन मार्गः, पीएमजीएसवाई-चरण-३ अन्तर्गतं ६.५ कोटिरूप्यकाणां व्ययेन च मार्गः निर्मितः। सः अवदत् यत् विभागेन नूरपुर-उपमण्डले २८.५ कोटिरूप्यकाणां निर्माणकार्यं प्रचलति। लोकनिर्माणमन्त्री उक्तवान् यत् राज्यस्य हितं मनसि कृत्वा राज्यसर्वकारः मुख्यमन्त्री सुखविन्दरसिंहसुक्खो: नेतृत्वे केन्द्रसर्वकारेण सह पूर्णसमन्वयेन कार्यं कुर्वन् अस्ति। सः सूचितवान् यत् नूरपुरनगरे यानस्थगनस्थलस्य (पार्किङ्ग) सुविधायै, मलनिकासी- (सीवरेज) सुविधायायै च धनस्य उपलब्धता सुनिश्चिता भविष्यति।
