HPCM: शीघ्रमेव सहस्रश: लाभार्थिभ्यः चतुःसहस्ररुप्यकाणि मासिककोशधनम् प्रदास्यते- मुख्यमंत्री सुखविन्दरसिंहसुक्खुः
हिमसंस्कृतवार्ता: – शिमला ।
मुख्यमन्त्री सुखविन्दरसिंहसुक्खुः अवदत् यत् २०२४-२५ वित्तवर्षे सुख- आश्रययोजनायां १०६१ अनाथबालानां कृते सामाजिकसुरक्षारूपेण १.९९ कोटिरूप्यकाणि, ३,१२१ लाभार्थिभ्यः कोशधनरूपेण प्रतिमासं ४,००० रुप्यकाणि, उत्सवृत्तिरूपेण १६.८९ कोटिरूप्यकाणि च शीघ्रमेव प्रदास्यते। १०२५ अनाथबालानां कृते ६५.७६ लक्षरूप्यकाणां राशिः वितरिता भविष्यति। अस्य कृते औपचारिकतानां समाप्तेः प्रक्रिया प्रचलति। अस्याः योजनायाः अन्तर्गतं उच्चशिक्षायाः कृते ४८ लाभार्थिभ्यः १५.५२ लक्षरूप्यकाणां, व्यावसायिकप्रशिक्षणार्थं १७ बालकानां कृते ७.०२ लक्षरूप्यकाणां, कौशलविकासाय एकस्य बालकस्य कृते १७,५०० रूप्यकाणां, स्टार्टअप परियोजनानां कृते त्रयाणां बालकानां कृते ६ लक्षरूप्यकाणां आर्थिकसहायता प्रदत्ता। २०२३-२४ वर्षस्य कृते च द्वाभ्याम् अनाथबालकाभ्यां भूमिः आबंटिता अस्ति।
मुख्यमन्त्री सुखाश्रययोजनायाः माध्यमेन अनाथबालानां विश्वस्तरीयशिक्षां प्राप्तुम् आकांक्षा पूर्णा भवति। सुक्खुः अवदत् यत् बालसंरक्षणगृहस्य तिस्र: अनाथबालिकाः शिमलानगरस्य कान्वेण्ट तारा हॉल विद्यालये प्रवेशं प्राप्तवत्य:। तासां कृते शीघ्रमेव परिवहनस्य सुविधा उपलब्धा भविष्यति। बालसंरक्षणगृहस्य पञ्च बालकाः शिमलानगरस्य दयानन्दसार्वजनिकविद्यालये प्रवेशिताः सन्ति, चत्वारः अनाथबालकाः सोलननगरस्य पाइनग्रोव- विद्यालये, सुन्दरनगरस्य डीएवीविद्यालये च द्वौ बालकौ प्रवेशितौ। तेषां शिक्षायाः सम्पूर्णं व्ययः सर्वकारः वहति। राज्यस्य अन्येषु प्रतिष्ठितेषु शैक्षणिकसंस्थानेषु अधिकानाम् अनाथबालानां नामाङ्कनस्य सम्भावनाः अन्वेष्टुं सम्बन्धितविभागाय निर्देशः दत्तः। सः अवदत् यत् २०२३-२४ वित्तवर्षे मुख्यमन्त्री सुखाश्रययोजनायाः अन्तर्गतं बालसंरक्षणसंस्थासु निवसतां १०८४ बालकानां कृते १.०२ कोटिरूप्यकाणां आर्थिकसहायतायाः लाभः प्राप्तः, २७१९ लाभार्थिनश्च प्रति ४,००० रुप्यकाणां मासिकं कोशधनाय ४.३४ कोटिरूप्यकाणां आर्थिकसहायता प्रदत्ता अस्ति। बालकाः उत्साहेन उत्सवम् आचरन्ति इति सुनिश्चित्य १०८४ बालकानां कृते उत्सववृत्तिरूपेण ५९.८१ लक्षरूप्यकाणि, वस्त्रवृत्तिरूपेण ५४.२० लक्षरूप्यकाणि, पोषणवृत्तिरूपेण ३२.५२ लक्षरूप्यकाणि च वितरितानि सन्ति।
