अक्षरधाम-मन्दिरे भक्तिविषयकं बहुभाषीयं राष्ट्रियं कविसम्मेलनम्
नव दिल्ली ऐषम: मई मासस्य पञ्चम्यां अक्षरधाम-मन्दिरे भक्तिविषयकं बहुभाषीयं राष्ट्रियं कविसम्मेलनम् आयोजितम्। अक्षरधाममन्दिरस्य बी.ए.पी.एस. स्वामीनारायण-शोध-संस्थाने एकं भव्यं कविसम्मलेनम् अनुष्ठितम् अभूत्। “केशव काव्य कलरव 2024” इत्याख्येSस्मिन् कवि-सम्मेलने शिक्षा-जगत: नैके प्रसिद्धा: दिग्गजाः उपातिष्ठन्त।
अस्मिन् बहुभाषीये सम्मेलने अतिथित्वेन जवाहरलाल-नेहरू-विश्वविद्यालयस्य वरिष्ठ: संस्कृत प्राध्यापक: प्रॊ. सी. उपेन्द्र राव:, जामिया मिलिया इस्लामिया विश्वविद्यालयस्य संस्कृतविभागस्य अध्यक्ष:, प्रॊ. गिरिश-चन्द्रपन्त:, लाल बहादुर-शास्त्रि-राष्ट्रिय-संस्कृत-विश्वविद्यालयस्य आचार्य: प्रॊ. भगीरथी नंदा दिल्ली विश्वविद्यालयस्य अङ्गभूतस्य हिन्दू महाविद्यालयस्य संस्कृताचार्य: डॉ. सुनील जोशी चा उपस्थिता: आसन्।
कार्यक्रमस्य आरम्भः स्वामीनारायण भजनस्य सङ्गीतमयेन वचनामृत-श्रवणेन भगवत: महिमागानेन च साकं विहित:। एतस्य अनन्तरं, काव्यपाठस्य आयोजनात् प्राक् परम्परानुपालनेन मुनिवत्सलदास-स्वामिन: (स्वामिनारायण अक्षरधाम्न: प्रभारी), सर्वनिवासदास स्वामिन: दिव्यमूर्तिदास स्वामिनश्च पावनोपस्थितौ दीप-प्रज्वालनस्य मंगलोद्घाटनम् अभूत्। कार्यक्रमस्य पूर्वस्मिन् सत्रे बी.ए.पी.एस. स्वामिनारायण-शोध-संस्थानस्य सहनिदेशककेन डॉ. ज्ञानानन्ददास स्वामिना भाषायाम् एकं स्वागत-वक्तव्यं प्रस्तुतम् प्रस्तुत। तत: परं काव्य प्रस्तुति: समारब्धा। अग्रे प्रतिभागिभि: जनै: गुरुमहिमा, परमेश्वरकृपा, गुरुमहत्त्वं, परमेश्वर-प्रेम, गुरु-कृपा, आध्यात्मिकता चेति विषयेषु निज-निज-कविता: प्रस्तुता:
प्रतिभागिनाम् उत्कृष्ट-प्रस्तुतयः पुरस्कृतीकृता:। पुरस्कारेषु कमल: श्रीमाली सर्वोत्तम: कवि:, ‘कात्यायनी’ डॉ. पूर्णिमा शर्मा सर्वोत्तमा कवयित्री, डॉ. युवराज भट्टराई-वर्य: प्रथम पुरस्कार: , रघुवीर सिंह मुलथान: द्वितीय-पुरस्कार:, अंजू तिवारी तृतीय पुरस्कार:, अक्षज श्रीवास्तवश्च सर्वोत्तम: बाल-कवि: एंजल दियोरा सर्वोत्तमा बालिकाकवयित्री इति रूपेण क्रमशः पुरस्कृता: अभूवन्।
संस्कृतभाषा-प्रचारोपयुक्तं कार्यमेतत् । बहुवर्धापनानि।
धन्यवाद: महोदयाय !
अद्यत्वे कुत्र अस्ति।