चैतन्यशर्मण: भाजपायां प्रवेशमात्रेण राकेशकालिया भाजपायाः सदस्यतात: त्यागपत्रं दत्तवान्
हिमसंस्कृतवार्ता- कार्यालयीय: प्रतिनिधि:।
विद्रोहिन: पूर्वकाङ्ग्रेसविधायकस्य चैतन्यशर्मण: भाजपायां सम्मिलितमात्रेण राज्यभाजपाकार्यकारिण्याः विशेषामन्त्रितसदस्यः, काङ्ग्रेसस्य नामपत्रेण त्रिवारं विधायकः च राकेशकालिया भाजपातः त्यागपत्रं दत्तवान्। तथापि सः अद्यापि अन्यस्मिन् राजनैतिकदले न सम्मिलितः। सः अवदत् यत् सः गगरेट- चिन्तपूर्णी- नगरस्य जनै: सह ऊनामण्डलस्य बौद्धिकवर्गस्य च सह चर्चां कृत्वा अग्रिमपदं ग्रहीष्यति। अधुना सर्वेषां दृष्टिः अस्ति यत् एतत् पदं गगरेट- चिन्तपूर्णी- विधानसभाक्षेत्रयोः राजनीतिषु किं प्रभावं जनयिष्यति। काङ्ग्रेसेन २०२२ तमे वर्षे विधानसभानिर्वाचने अखिलभारतीयकाङ्ग्रेससमितेः सचिवपदेन सह मध्यप्रदेशस्य सहप्रभारिण: कालियाया: स्थाने २०२२ तमस्य विधानसभानिर्वाचने चैतन्यशर्मा स्थापित: आसीत् अस्य विरोधे कालिया काङ्ग्रेसस्य सदस्यतात: त्यागपत्रं कृत्वा भाजपायां सम्मिलितवान् आसीत्। शनिवासरे भाजपाप्रदेशाध्यक्षाय राजीवबिन्दलाय स्वत्यागपत्रं प्रेषयन् कालिया अवदत् यत् यदा चैतन्यः काङ्ग्रेस- सङ्घटने आसीत् तदा सः काङ्ग्रेस-नेतृभ्यः चेतयितुं दलात् त्यागपत्रं दत्तवान्, अधुना चैतन्यः भाजपा-राजनीतिं दूषितं न कुर्यात्, एषा सम्भावना न निराकर्तुं शक्यते।कालिया आरम्भादेव चैतन्यं प्रति आक्रामकः अस्ति, अनेकेषु कार्यक्रमेषु च तस्य उपरि भयंकररूपेण आक्रमणं कुर्वन् अस्ति। सः अवदत् यत् गगरेट-नगरस्य जनाः चैतन्यस्य कार्यशैलीं जानन्ति, सः कथं गगरेट- नगरस्य जनान् रक्ताश्रुपातं कृतवान् इति जना: अद्यापि न विस्मरन्ति। सः अवदत् यत् सः शीघ्रमेव स्वस्य अग्रिम- रणनीतिं निर्धारयिष्यति। राकेशकालिया इत्यस्य भाजपायाः त्यागपत्रेण तस्य समर्थकानां मध्ये अपि आशाः उत्पन्नाः यत् सः शीघ्रमेव काङ्ग्रेस-पक्षे सम्मिलितः भवेत् इति।
