सिरमौर-जिलाप्रशिक्षणसंस्थाने आयोजितं पञ्चदिवसीयं सेवारतानां संस्कृतशिक्षकाणां प्रशिक्षणकार्यशालाया: समापनम् ।

Last updated: 2024/03/01 at 5:27 PM

1 Min Read

(हिमसंस्कृतवार्ता प्रवीण: कुमार: ,सिरमौर:)

प्रदेशे शिक्षाक्षेत्रे गुणवत्ताम् आनेतुं सर्वकारेण नैका: प्रयासा: क्रियन्ते। विविधजनपदेषु शिक्षकाणां प्रशिक्षणकार्यशालानाञ्च क्रियते। तत्रैव सिरमौरजनपदस्य जिलाप्रशिक्षणसंस्थाने नाहनम्–इत्यत्र संस्कृतशिक्षकाणां प्रशिक्षणकार्यशालाया: आयोजनम् अभवत् । अस्मिन् अवसरे जिलापरियोजनाधिकारी अश्वनी ठाकुर महोदय: शिक्षकान् सम्बोधयन् उक्तं यत् विश्वस्य प्राचीनतमा भाषा संस्कृतं वर्त्तते । अत: अस्माकं सौभाग्यं वर्त्तते यत् संस्कृतशिक्षका: अत्र प्रशिक्षणं प्राप्तवंत: । अस्य प्रशिक्षणस्य समन्वयक: सन्तराम महोदय: उक्तवान् यत् अस्या: कार्यशालाया: आरम्भ: 26 फरवरीत: 1 मार्च पर्यन्तम् अभवत्।
कार्यशालायामस्यां सिरमौरजनपदस्य षष्ठ्यधिकसंस्कृतशिक्षका: प्रशिक्षणं प्राप्तवन्त:। पञ्चदिवसीयकार्यशालायां शिक्षकै: शिक्षणाधिगमस्य प्रविधिनां विषये, भाषाकौशलानां विषये, भाषिकतत्त्वानां विषये, मूल्याङ्कनस्य विषये, नवशिक्षानीति: २०२० इत्यस्या: विषये, भाषाशिक्षणस्य साधनानां विषये च प्रशिक्षणं प्राप्तवन्त:। कार्यशालायां आचार्यराधेश्याम: ,शर्मा प्रवीण: , श्रीमति अर्चना तथा श्रीमान चंबेल: च स्रोतपुरुषरूपेण समुपस्थिता: आसन्। ध्यातव्यं वर्तते यत् कार्यशालायांमस्यां शिक्षणप्रशिक्षणकार्यं संस्कृतमाध्यमेन एव अभवत् ।

TAGGED: सिरमौर-जिलाप्रशिक्षणसंस्थाने आयोजितं पञ्चदिवसीयं सेवारतानां संस्कृतशिक्षकाणां प्रशिक्षणकार्यशालाया: समापनम् ।

Share This Article

By डॉ. नरेन्द्र राणा

Follow:

नमो नमः मित्राणि! अहमस्मि डॉ. नरेन्द्रराणा। अहं हिमाचलप्रदेशस्य शिक्षाविभागे संस्कृतशिक्षकोऽस्मि। अहं सिरमौर-जनपदस्य कोटी उतरोऊ इत्याख्यस्य ग्रामस्य निवासी अस्मि । किञ्च स्वग्रामात् एव संस्कृतस्य-प्रचारप्रसारकार्यं मया क्रियते। अधुना शैक्षणिकसंस्थासु आधुनिकभाषारूपेण संस्कृतस्य प्रचारः भवेत्, एतदर्थम् अहम् हिमसंस्कृतवार्ता: माध्यमेन कार्यं कुर्वन्नस्मि। यदि भवन्तः मदीयेन कार्येण सन्तुष्टा तर्हि अस्माकं सहयोगं कुर्वन्तु , अस्माकं संस्कृतप्रसारस्य ये प्रकल्पाः लोके प्रचलन्ति तान् सर्वत्र प्रसारयन्तु। अस्माकं कृते आनन्दस्य विषयः यत् हिमसंस्कृतवार्ता संस्कृतपत्रकारितायाः विषये हिमाचलप्रदेशस्य प्रथमः प्रकल्पः इदानीम् आविश्वे कीर्तिम् प्राप्नोति।