मुख्यमन्त्री सुखविन्दरसिंहसुक्खुः – शैक्षणिकसंस्थानेभ्य: वार्षिकक्रमाङ्कनस्य आधारेण प्रदास्यते अनुदानम्
हिमसंस्कृतवार्ता:- शिमला।
मुख्यमन्त्री सुखविन्दरसिंहसुक्खुः शिमला ग्रामीण- विधानसभानिर्वाचनक्षेत्रे १५.४३ कोटिरूप्यकाणां व्ययेन निर्मितस्य जवाहरलालनेहरू- ललितकला- राजकीय महाविद्यालयस्य लौहारबस्य भवनस्य उद्घाटनं कृतवान्। तेन टुटूनगरे ५ कोटिरूप्यकाणां व्ययेन निर्मितस्य खण्डविकासकार्यालयभवनस्य शिलान्यासः अपि कृतः। अस्मिन् अवसरे आयोजितां जनसभां सम्बोधयता मुख्यमन्त्री ललितकलामहाविद्यालये नूतनान् पाठ्यक्रमान् आरभ्य आधुनिककक्ष्या: विकसितुं, क्रीडाक्षेत्राय २० लक्षरूप्यकाणि प्रदातुं च घोषणां कृतवान्। अस्य क्षेत्रस्य कृते बससेवा आरब्धा भविष्यति तथा च महाविद्यालये छात्रावासस्य सुविधां प्रदातुं प्रयत्नाः अपि क्रियन्ते। मुख्यमन्त्री उक्तवान् यत् राज्यसर्वकारः शिक्षाक्षेत्रे व्यापकोन्नयनं कुर्वन् अस्ति, गुणात्मकशिक्षायाः कृते विशेषप्राथमिकता दीयते।
सः अवदत् यत् २०२४-२५ वित्तवर्षे सर्वेषां शैक्षणिकसंस्थानेभ्य: वार्षिकक्रमाङ्कनं द्वारा कार्यप्रदर्शनाधारित-अनुदानव्यवस्थायाः आरम्भस्य च प्रावधानं कृतम्। एषा व्यवस्था युगपद्-पटलस्य (ऑनलाइन पोर्टल) मार्गेण विकसिता भविष्यति। सः अवदत् यत् पठन-लेखन-संस्कृतेः विकासाय बहु-आयामी प्रावधानाः कृताः सन्ति। ललितकला महाविद्यालयस्य आधारः पूर्वमुख्यमन्त्री वीरभद्रसिंहेन स्थापितः। सम्प्रति १७ राज्येभ्यः छात्राः अस्मिन् संस्थायां अध्ययनं कुर्वन्ति। संस्थायां उच्चगुणवत्तायुक्तशिक्षायाः सुनिश्चित्य छात्राणां कृते सर्वसम्भवा: सुविधा: प्रदत्ता: भविष्यन्ति।
आदर्शविधानसभाक्षेत्रं भविष्यति शिमला ग्रामीणम्- विक्रमादित्यसिंह:
लोकनिर्माणमन्त्री विक्रमादित्यसिंहः अवदत् यत् शिमला ग्रामीणविधानसभाक्षेत्रं विकासस्य दृष्ट्या आदर्शक्षेत्ररूपेण उद्भवति, विकासकार्याय च निरन्तरगतिः दीयते। सः अवदत् यत् अस्मिन् विधानसभाक्षेत्रे एकवर्षे १७० कोटिरूप्यकाणां विकासकार्यं प्रचलति। क्षेत्रस्य विविधा: विकासात्मका: प्रार्थना: अपि मुख्यमन्त्रिणः समक्षं प्रस्तुतवान्।
