इन्दिरागांधी- आयुर्विज्ञानमहाविद्यालये आरकेएस- कर्मचारिणां कार्यस्थगनान्दोलनम्
रोगिणां दीर्घपङ्क्तयः।
हिमसंस्कृतवार्ता:- शिमला।
हिमाचलप्रदेशस्य इन्दिरागांधी-आयुर्विज्ञानमहाविद्यालये आरकेएस- कर्मचारिभिः नियमितवेतनमानस्य कृते कार्य-स्थगनान्दोलनंआरब्धम् अस्ति। प्रातः ११ वादनपर्यन्तं आरकेएस-कर्मचारिणः कृष्णवर्णीय- फलकधारिणः चिकित्सालयस्य बहिः मौनविरोधं कुर्वन्ति स्म। अस्य कारणात् चिकित्सालयं आगच्छन्तः रोगिणः बहु समस्यानां सम्मुखीकरणं कर्तुं प्रवृत्ताः आसन् । यावत् तेषां याचनापूर्तिः न भवति तावत् कर्मचारिण: कार्य- स्थगनान्दोलने (पेन डाउन स्ट्राइक) एव तिष्ठन्ति इति कर्मचारिण: वदन्ति।
सोमवासरे चिकित्सालये रोगिणां दीर्घपङ्क्तिः आसीत्। एतस्य अतिरिक्तम् ओपीडी-पटले, प्राचार्यस्य, वरिष्ठचिकित्साधीक्षकस्य च कार्यालये अपि कार्यं स्थगितम् अभवत्। प्रातः ८ वादनतः रात्रौ ११ वादनपर्यन्तं चिकित्सालयस्य पंजीकरणस्थलं पिहितं भवति इति कारणेन चिकित्सालये रोगिणां चिकित्सायां विलम्बः अभवत्।
आरकेएस- संघस्य अध्यक्षः अरविन्दपालः अवदत् यत् अष्टवर्षस्य कार्यकालस्य पूर्णतायाः अनन्तरम् अपि कर्मचारीणां कृते नियमितवेतनमानं न दीयते। यत्र सः दशवर्षाधिकं यावत् अत्र कार्यं कुर्वन् अस्ति। यत्र २०१६ तमे वर्षे अष्टवर्षं पूर्णं कृतवन्तः कर्मचारिभ्य: नियमितवेतनपरिमाणं दीयते, २०१९ तमे वर्षे च ३५ कर्मचारिण: अष्टवर्षं पूर्णं कृतवन्तः, तथापि नियमितवेतनपरिमाणं न दीयते। अस्य विषये चिकित्सालयप्रशासनाय, सर्वकाराय च बहवः अनुरोधाः कृताः, परन्तु तेषाम् आग्रहाः न पूर्यन्ते, यस्मात् कारणात् ते कार्य-स्थगनान्दोलनं (पेन डाउनस्ट्राइक) आरब्धवन्तः, मंगलवासरात् चतुर्होरापर्यन्तं आन्दोलनं करिष्यन्ति।
