धार्मिककार्यक्रमाणां नाम्ना मार्गावरोधः न करणीयः – सर्वोच्चन्यायालयः

धार्मिककार्यक्रमाणां नाम्ना मार्गावरोधः न करणीयः – सर्वोच्चन्यायालयः
सर्वोच्चन्यायालयः अवदत् यत् धार्मिकगतिविधीनां नाम्ना सार्वजनिकमार्गाः अवरोद्धाः न शक्यन्ते। शीर्षन्यायालयेन उक्तं यत् यदि नागरिकाणां सामान्याः गतिविधयः बाधिताः भवन्ति, तर्हि सर्वकारः हस्तक्षेपं कर्तुं शक्नोति। मुख्यन्यायाधीशस्य सूर्यकान्तस्य अध्यक्षतायां नव-न्यायाधीशानां संविधानपीठेन केरलस्य शबरीमाला-मन्दिरसहितं पूजास्थलेषु धार्मिकस्वतन्त्रतायाः क्षेत्रं तथा महिलाभिः सह भेदभावसम्बद्धानां याचिकानां श्रवणकाले एषा टिप्पणी कृता।
न्यायालयेन स्पष्टीकृतं यत् धार्मिकसमुदायेभ्यः पूजाविधिषु स्वायत्तता अस्ति, किन्तु एषा स्वायत्तता सार्वजनिकव्यवस्थां वा नागरिकाणां आवश्यककार्याणि वा बाधितुं न प्रभवति। न्यायमूर्तिः बी.वी. नागरत्ना उक्तवती यत् धार्मिकआयोजनेषु सार्वजनिकमार्गाणां पिधानं न उचितम्, राज्यं च तादृश्यां स्थितौ हस्तक्षेपं कर्तुं शक्नोति। पीठेन उक्तं यत् न्यायालयाः पूजापद्धतौ निर्णयं दातुं न शक्नुवन्ति, परन्तु यदा नागरिकाणाम् अधिकाराः प्रभाविताः भवन्ति, तदा हस्तक्षेपः अनिवार्यः भवति।