उपराष्ट्रपतेः वक्तव्यम्-: पारम्परिकचिकित्सापद्धतीनां महत्त्वम्
हिमसंस्कृतवार्ताः। उपराष्ट्रपतिः सी.पी. राधाकृष्णन् अद्य उक्तवान् यत् योगः आयुर्वेदः च सदृशाः देशस्य पारम्परिकचिकित्साप्रणालयः वैश्विकमान्यतां प्राप्तवन्तः सन्ति, अतः एताः ‘वैकल्पिक-पद्धतयः’ इति न मन्तव्याः। तेन प्रतिपादितं यत् पारम्परिकचिकित्साप्रणाली शारीरिक-मानसिकस्वास्थ्यं वर्धयति।महाराष्ट्रस्य पुणे नगरे उरुली कञ्चन स्थाने ‘प्राकृतिक चिकित्सा ग्राम सुधार ट्रस्ट’ इत्यस्य प्राकृतिकचिकित्साश्रमस्य ८१ तमे वार्षिकोत्सवे उपराष्ट्रपतिः जनान् प्राकृतिकजीवनशैलीं स्वीकर्तुं प्रकृत्याः समीपे स्थातुं च आग्रहं कृतवान्।
प्रमुखबिन्दवः
गान्धिदर्शनस्य उल्लेखः-: प्राकृतिकचिकित्सादर्शनस्य चर्चां कुर्वन् उपराष्ट्रपतिः अवदत् यत् महात्मा गान्धी प्रायः ८० वर्षेभ्यः पूर्वं प्राकृतिकचिकित्साकेन्द्रस्य माध्यमेन एतां विचारधारां प्रोत्साहितवान् आसीत्।
एलोपैथिक-प्रभावः-: सः भोजनस्य आदतेः परिवर्तनस्य तथा च ‘एलोपैथिक’ (Alloepathic) औषधेषु अत्यधिकनिर्भरतायाः प्रतिकूलप्रभावाणाम् उल्लेखं कृतवान्, प्राकृतिकचिकित्सापद्धतीनां स्वीकारस्य आवश्यकतां च बलपूर्वकं प्रतिपादितवान्।
आयुष्-मन्त्रालयस्य सुदृढीकरणम्-: तेन उक्तं यत् नरेन्द्रमोदी-सर्वकारेण पारम्परिकचिकित्साप्रणालीं प्रवर्धयितुं ‘आयुष्-मन्त्रालयः’ सुदृढः कृतः अस्ति।
पुस्तकोन्मोचनम्-: अस्मिन् अवसरे श्रीराधाकृष्णन् महोदयः डॉ. एन. जी. हेगड़े वर्येण लिखितायाः ‘सीक्रेट्स ऑफ हैप्पीनेस’ (Secrets of Happiness) इति नाम्न्याः पुस्तकायाः विमोचनम् अपि अकरोत्।
