INDvsNZD भारतं दशचक्रेषु विजयं प्राप्य तृतीये टी-२०-क्रीडायां न्यूजीलैण्ड्-देशं अष्टस्तोभैः पराजय्य श्रृङ्खलाम् अवाप्तवान्

INDvsNZD भारतं दशचक्रेषु विजयं प्राप्य तृतीये टी-२०-क्रीडायां न्यूजीलैण्ड्-देशं अष्टस्तोभैः पराजय्य श्रृङ्खलाम् अवाप्तवान् ।
रविवासरे तृतीयायां टी-२०-क्रीडायां भारतेन न्यूजीलैण्ड्-देशः अष्टस्तौभाङ्कैः पराजितः । गुवाहाटीनगरस्य बरसापाराक्रिकेट्-क्रीडाङ्गणे एकपक्षीय-स्पर्धायां प्रथमं फलकक्रीडां कृत्वा न्यूजीलैण्ड्-देशः २० चक्रेषु नवस्तोभानां-हानौ १५३ धावनाङ्कान् कृतवान्, तस्य प्रतिक्रियारूपेण भारतेन दशमे चक्रे १५५ धावनाङ्काः कृत्वा द्वौ स्तौभौ हारितौ । भारतस्य कृते अभिषेकशर्मा २० कन्दुकेषु ६८ धावनाङ्कं कृतवान्, सूर्यकुमारयादवः २६ कन्दुकेषु अपराजितः ५७ धावनाङ्कान् कृतवान् । न्यूजीलैण्ड्-देशस्य कृते मैट् हेनरी, ईशसोधिः च एकैकं स्तोभं गृहीतवन्तौ । १५४ धावनाङ्कानां लक्ष्यं अनुसृत्य भारतं प्रथमे एव कन्दुके विघ्नं प्राप्नोत् । प्रथमः संजु सैमसनः स्वस्य खातं उद्घाटयितुं असफलः अभवत्। सः मैट् हेनरी इत्यनेन बहिर्कृतः । इशान किशनः २८ धावनाङ्कैः बहिः अभवत् । अभिषेकः २० कन्दुकेषु ६८ धावनाङ्कानां अपराजितक्रीडां कृतवान् । नायकः सूर्यकुमारयादवः २६ कन्दुकेषु अपराजितः ५७ धावनाङ्कान् कृतवान् । कन्दुकक्षेपणे बुमराहः त्रीणि , हार्दिकः रविबिष्नोई च द्वौ द्वौ स्तौभौ गृहीतवन्तौ ।