उज्जयिनीस्थस्य महर्षिपाणिनिसंस्कृतवैदिकविश्वविद्यालये राष्ट्रिय–अन्तरिक्षदिवसस्योपलक्ष्ये त्रिदिनात्मकः “अन्तरिक्षज्ञानपर्वः” समारब्धः
प्रेषक: – डॉ.दिनेश चौबे, उज्जयिनी
उज्जयिनीस्थस्य महर्षिपाणिनिसंस्कृतवैदिकविश्वविद्यालयस्य ज्योतिर्विज्ञानविभागेन राष्ट्रीय–अन्तरिक्ष–दिवसस्यावसरे छात्राणां मध्ये अन्तरिक्षज्ञानबोधवृद्ध्यर्थं त्रिदिनात्मकः “अन्तरिक्षज्ञान–पर्वः” विधिवत् समारब्धः।
समारोहस्य अध्यक्षतां वहन् माननीय: कुलगुरुः प्रो. शिवशङ्करमिश्रः अवदत् यत्
“अनादिकालादेव संस्कृतभाषा एव ज्ञानविज्ञानयोः भाषारूपे प्रतिष्ठिता। अस्मदीया ऋषयः मुनयश्च ताम् केवलं कर्मकाण्डे न सीमितवन्तः, अपि तु तस्मिन् वैश्विकी दृष्टिः, वैज्ञानिकदृष्टिकोणश्च निवेशितः। अद्य पुनः जगतः सर्वत्र संस्कृतभाषायाः प्रचारप्रसारः प्रवर्तमानः वर्त्तते। मूलग्रन्थानामध्ययन–अध्यापनं च क्रियते, यस्य विषये देशस्य यशस्विनः प्रधानमन्त्रिणः विशेषः भावः विद्यते।”
प्रास्ताविकं भाषणं ज्योतिर्विज्ञानविभागाध्यक्षेन डॉ. शुभंशर्मणा कृतम्। धन्यवादप्रस्तावं विभागसमन्वयकेन डॉ. तुलसीदासपरौहेन प्रदत्तम्।
अस्मिन् अवसरॆ ज्योतिषविभागाध्यक्षः डॉ. उपेन्द्रभार्गवः, विशिष्टसंस्कृतविभागाध्यक्ष: डॉ. पूजाउपाध्याय, डॉ. अजयसिंहराठी, रीवा–परिसरप्रभारी डॉ. अनिलमुवेल इत्यादयः शिक्षकाः, छात्राः च उपस्थिताः आसन्।
कार्यक्रमस्य संचालनं डॉ. मृत्युञ्जयतिवारिण: कृतम्।
