प्रधानमंत्रिणा मोदिना सह अमिलत् जयरामठाकुरः

प्रधानमंत्रिणा मोदिना सह अमिलत् जयरामठाकुरः, राज्ये आपद: क्षतिविषये सूचनां दत्तवान् सहयोगाय आग्रहं च कृतवान्
हिमसंस्कृतवार्ता:- नवदेहली। पूर्वमुख्यमन्त्री विपक्षनेता च जयरामठाकुरः सोमवासरे प्रातः प्रधानमन्त्रिणं नरेन्द्रमोदिनं मिलित्वा हिमाचलप्रदेशस्य आपदाप्रभावितक्षेत्रेषु क्षतिविषये सूचितवान्। प्रधानमन्त्रिणा आपदाकृतक्षतिविषये विस्तृतसूचनाः गृहीत्वा आपदाप्रभावितक्षेत्रेषु पुनर्निर्माणे पुनर्स्थापने च सर्वसम्भवसहकार्यस्य आश्वासनं दत्तवान्। जयरामठाकुरः अवदत् यत् वयं प्रधानमन्त्रिणं अवदाम यत् अस्याम् आपदि न केवलं जनानां गृहाणि अपि तु तेषां भूमिः अपि नष्टा, अधुना तेषां गृहनिर्माणार्थं स्थानं अपि नास्ति। एतादृशे सति ‘वनसंरक्षणविधाने’ तेभ्यः भूमिं दातुं उपशम: दातव्य: येन निराश्रयजनाः सुरक्षितस्थानेषु पुनः निवेशं कर्तुं शक्नुवन्ति। एतेन सह पुनर्वासार्थं पुनर्निर्माणार्थं च ‘क्षेत्रविशिष्ट’ आश्रयसंकुलं दातुं राज्ये पुनः पुनः प्राकृतिकविपदां कारणानाम् अध्ययनं कर्तुं च प्रधानमन्त्रिणा अनुरोधः अपि कृतः येन पुनः पुनः हानिः परिहर्तुं शक्यते। आपत्काले आश्रय- उद्धार- कार्ये यत्किमपि सम्भवं सहकार्यं प्रदातुं प्रधानमन्त्रिणः अपि धन्यवादं दत्तवान्। जयरामठाकुरः अवदत् यत् अस्याः आपद: कारणात् राज्यस्य १२०० कोटिरूप्यकाधिकं हानिः अभवत्। यस्मिन् केवलं सिराजविधानसभायां 1000 कोटिरूप्यकाधिकं हानिः अभवत्, यदा तु ३० जूनमासस्य तस्याः रात्रौ सिराज-करसोग-नाचन-क्षेत्रयोः कुलम् ४२ जनानां प्राणाः त्यक्ताः, केवलं सिराजतः २९ जनाः अपि अस्याः आपद: कालकवलिता: अभवन्। ५०० तः अधिकानि गृहाणि पूर्णतया प्रक्षालितानि, १००० गृहाणि च क्षतिग्रस्तानि ये जीवनाय योग्यानि न आसन्। तेन सह नाचन, करसोग, धर्मपुरे च महती क्षतिः अभवत्। धर्मपुरस्य स्याठीग्रामः पूर्णतया भूमौ ध्वस्तः अभवत्, जनाः मुक्तक्षेत्रे रात्रौ वसन्ति। अतः पुनर्वासार्थं पुनर्निर्माणार्थं च ‘क्षेत्रविशिष्टं’ आश्रयस्य प्रदातुं अनुरोधः अपि कृतः। राज्यस्य अनेकेषु क्षेत्रेषु प्राकृतिकविपद: पुनः पुनः भवन्ति इति सः अवदत्। अस्य कारणानां अध्ययनं कर्तुं प्रधानमन्त्रिणा अपि अनुरोधः कृतः यत् पुनः पुनः हानिः परिहर्तुं शक्यते। आपत्काले आश्रय-उद्धार-कार्यक्रमेषु सर्वं सम्भवं समर्थनं दत्तवान् इति प्रधानमन्त्रिणः अपि धन्यवादं दत्तवान्।