उपमुख्यमंत्री मुकेश अग्रिनहोत्री निजीविद्यालयानां छात्राणां कृते बसपासभाटके अपकर्षं दत्तवान्

उपमुख्यमंत्री मुकेशअग्रिनहोत्री निजीविद्यालयानां छात्राणां कृते बसपासभाटके अपकर्षं दत्तवान्
हिमसंस्कृतवार्ता:- शिमला।शिमलानगरस्य निजीविद्यालयेषु अध्ययनं कुर्वतां बालकानाम् अभिभावकाः शनिवासरे उपमुख्यमन्त्रिणा मुकेश अग्निहोत्रिणा मिलित्वा सद्यः एव बस- पास- भाटकवृद्ध्या सह विविधसमस्यानां विषये बोधितवन्तः। उपमुख्यमन्त्री अवदत् यत् पूर्वं बसपासभाटकस्य कृते द्वे वर्गे आस्ताम्, यत् ० तः ५ किलोमीटर यावत् १८०० रूप्यकाणि, ५ किलोमीटरत; अधिकं दूरं यावत् २५०० रूप्यकाणि च आसन्। सः अवदत् यत् अधुना शिमलानगरस्य निजीविद्यालयेषु अध्ययनं कुर्वतां छात्राणां कृते आश्रयं दातुं वर्गत्रयं निर्मितमस्ति।प्रथमस्य वर्गस्य अन्तर्गतं ० तः ६ किलोमीटर यावत् दूरस्य भाटकं ६०० रुप्यकाणि न्यूनीकृत्य १२०० रुप्यकाणि यावत् कृतमस्ति। प्रथमवर्गे ​ दूरं एककिलोमीटर वर्धितम् अस्ति, यत् पूर्वं ० तः ५ किलोमीटर यावत् आसीत्। द्वितीयवर्गस्य ​​अन्तर्गतं ६ तः १२ किलोमीटरपर्यन्तं यावत् बसपासभाटकं ७०० रुप्यकाणि न्यूनीकृत्य १८०० रुप्यकाणि यावत् कृतमस्ति तृतीयवर्गस्य ​​अन्तर्गतं १२ किलोमीटरत: अधिकं २००० रुप्यकाणि यावत् भाटकं कृतमस्ति।उपमुख्यमन्त्री अपि घोषितवान् यत् शीघ्रमेव छात्राणां कृते बसपासस्य सुविधा अन्तर्जालद्वारा उपलभ्यते येन अभिभावकानां कार्यालयेषु धावनं न करणीयम्। सः अवदत् यत् हिमाचलमार्गपरिवहननिगमः जनकल्याणस्य भावनां कृत्वा राज्ये सेवां प्रदाति तथा च एषः निर्णयः तस्य उद्देश्यस्य पूर्तये महत्त्वपूर्णं सोपानम् अस्ति। मातापितरौ उपमुख्यमन्त्रिणं प्रति कृतज्ञतां प्रकटयन्त: एतस्य पदस्य प्रशंसाम् अकुर्वन्।