प्रधानमन्त्री मध्यप्रदेश-बिहार असमप्रदेशानां त्रिदिवसीययात्रायां भविष्यति

मध्यप्रदेश-बिहार असमप्रदेशानां त्रिदिवसीययात्रायां भविष्यति प्रधानमन्त्री
हिमसंस्कृतवार्ताः। प्रधानमन्त्री श्री नरेन्द्र मोदी अद्यारभ्य मध्यप्रदेश-बिहार असमप्रदेशानां त्रिदिवसीययात्रायां भविष्यति । श्रीमोदी अद्य मध्यप्रदेशस्य छतरपुरजनपदे बागेश्वर-धाम-चिकित्सा एवं विज्ञान -अनुसन्धान-संस्थानस्य आधारशिलां स्थापयिष्यति । सोमवासरे प्रधानमन्त्री बिहारस्य भागलपुरक्षेत्रे गमिष्यति । अत्रावसरे सः प्रधानमन्त्री-किसान-योजनायाः एकोनविंशतितमां देयराशिं प्रकाशयिष्यति। अतः परं प्रधानमन्त्री श्रीमोदी झुगोर-बिनन्दिनी-कार्यक्रमे भागग्रहणार्थं गुवाहाटीं प्रति गमिष्यति । अयं कार्यक्रमः चायोद्योगस्य द्विशतवर्षाणां पूर्तेः प्रतीको वर्तते ।
मॉरीशस देशस्य सप्तपञ्चाशत्तमे राष्ट्रिय-दिवस-समारोहे मुख्यातिथिः भविष्यति प्रधानमन्त्री
हिमसंस्कृतवार्ताः। प्रधानमन्त्री नरेन्दर्मोदी आगामिनि मासे मॉरीशस देशस्य सप्तपञ्चाशत्तमे राष्ट्रिय-दिवस-समारोहे मुख्यातिथिः भविष्यति। मॉरीशस देशस्य प्रधानमन्त्री नवीन रामगुलामः मॉरिशसस्य संसदं सम्बोधयन् अवदत् यत् श्रीमोदी सदृशस्य जनस्य आतिथ्यं सौभाग्यकरं भविष्यति। अत्रावधौ असौ भारत-मॉरीशस-देशयोः मध्ये सुदृढ स्थायि-सम्बन्धान् उल्लिखितवान् ।