HP Education : हिमाचलप्रदेशे सर्वकारीविद्यालयेषु छात्राणां संख्यायां न्यूनता, अस्मिन् वर्षे ५४ सहस्राणि न्यूनप्रवेशाः, प्रतिवेदनस्य उद्घोषणा।
हिमसंस्कृतवार्ता:- डॉ पद्मनाभ:, शिमला।
हिमाचलप्रदेशे शिक्षाक्षेत्रे गुणात्मकविकासस्य शासकीयपक्षाणां मध्ये सर्वकारीविद्यालयेषु प्रतिवर्षं प्रवेशेषु क्षयः दृश्यते। राज्यस्य सर्वकारीविद्यालयेषु गतवर्षस्य तुलनया ५४ सहस्राणि न्यूनप्रवेशाः अभवन्। पूर्वप्राथमिककक्षातः अष्टमकक्षां पर्यन्तं प्रवेशानां यू-डाइस-प्लस प्रतिवेदने प्रकटिताः अङ्काः सर्वकारस्य चिंतां वर्धितवन्तः। शैक्षणिकसत्रे २०२३-२४ सर्वकारीविद्यालयेषु ४.८० लक्षं छात्राणां नामांकनमासीत्। अद्य ५४ सहस्रं क्षयेन नामांकनं ४.२६ लक्षं प्राप्तम्। पूर्वप्राथमिककक्षायां ७१ सहस्रं, प्रथमकक्षातः पञ्चमकक्षां पर्यन्तं २.३६ लक्षं, षष्ठीकक्षातः अष्टमकक्षां पर्यन्तं १.९० लक्षं प्रवेशाः अभवन्।
अधिकारिणां तर्कः: जन्मदरस्य न्यूनत्वेन प्रवेशाः क्षयिताः।
शैक्षणिकसत्रं २०२४-२५ इति संदर्भ्य प्रकाशितं यू-डाइस-प्लस प्रतिवेदनम् आधारीकृत्य समस्याः परिहार्याः इति चर्चा आरब्धा। शिक्षा- सचिवस्य राकेशकंवरस्य अध्यक्षतायां जिला उपनिदेशकानां सभायाः आयोजनं क्रियते। नवीनसत्रे प्रवेशवृद्धये योजनाः करणीयाः। प्रारम्भिक-शिक्षानिदेशालयः समग्र- शिक्षापरियोजनानिदेशालयश्च प्रतिवेदनं आधारीकृत्य निर्णयानां प्रस्तावं निर्माणे संलग्नः।
प्रतिवेदनस्य अनुसारं पूर्वप्राथमिककक्षायां ७१,७३७, प्रथमकक्षायां २२,१३९, द्वितीयकक्षायां ४७,३५०, तृतीयकक्षायां ५४,३३१, चतुर्थकक्षायां ५७,०९१, पञ्चमकक्षायां ५४,४१०, षष्ठीकक्षायां ६१,७३३, सप्तमकक्षायां ६४,७३२, अष्टमकक्षायां ६४,१०५ छात्राः पठन्ति।
अधिकारिणां मतं यत् सर्वकारीविद्यालयेषु प्रवेशानां न्यूनत्वस्य कारणं केवलं निजीविद्यालयेषु छात्राणां गमनं नास्ति। केचन् विद्यार्थिन: निजीविद्यालयेषु गतवन्तः, किन्तु जन्मदरस्य न्यूनत्वेन अपि प्रवेशाः क्षयिताः।
जिलानुसारं पूर्वप्राथमिककक्षात: अष्टमकक्षां पर्यन्तं छात्रसंख्या
जिला कुलछात्राः
बिलासपुरम् २३,२८०
चम्बा ५१,१२५
हमीरपुरम् २२,९४४
कांगडा ६१,३३७
किन्नौरम् ३,५७३
कुल्लू: ३०,१००
लाहौल-स्पीति: १,४५०
मण्डी ५७,६४६
शिमला ४५,८४०
सिरमौरम् ५०,३०१
सोलनम् ४६,९९६
ऊना ३२,२५९
कुलम् ४,२६,८९१
शिक्षाक्षेत्रे नववर्षात् बहूनि परिवर्तानि दृश्यन्ते २०२३ वर्षस्य तुलनां कृत्वा सर्वकारीविद्यालयेषु ५४ सहस्रं न्यूनप्रवेशाः अभवन्। शून्य-नामांकनम् अथवा पञ्च-नामांकनात् न्यूनाः विद्यालयाः संवृत्ताः। शिक्षकसंस्थानेषु शिक्षकाणां रिक्तानि पदानि पूरितानि सन्ति। छात्राणां गुणवत्तायुक्तं शिक्षां प्रदाय आवश्यकं नवाचारं नवोन्मेषश्च। सर्वकारेण नवीनशैक्षणिकसत्रे विद्यालयानां विषयकः बहवः परिवर्तनाः प्रस्ताविताः।
-रोहितठाकुरः, शिक्षामन्त्री।
