Himachal News: दार्चा-लेह-शिन्कुला-मार्गः षण्मासान् यावत् वाहनानां कृते पिहित:, अधुना अग्रिम- ग्रीष्म-ऋतुपर्यन्तं प्रतीक्षा कर्तव्या भविष्यति
हिमसंस्कृतवार्ता:- लाहौल-स्पीति:।
दार्चातः परं वाहनानां गमनाय सामरिकदृष्ट्या महत्त्वपूर्णः मनाली- सरचु- लेहमार्गः आधिकारिकतया पिहित: अस्ति। अस्मिन् वर्षे सीमामार्गसङ्घटनेन मईमासस्य १८ दिनाङ्के यातायातस्य कृते पुनः उद्घाटितम् आसीत्। अधुना ७ दिसम्बरत: अग्रिमवर्षस्य मईमासस्य पर्यन्तं अस्मिन् मार्गे वाहनानां गतिः न भविष्यति। अधुना पर्यटकाः आगामिवर्षस्य मईमासे एव मनाली- लेहमार्गस्य हिमयुक्ता: उपत्यका: द्रष्टुं शक्नुवन्ति। तत्रैव दार्चा- शिन्कुला- जांस्करमार्गे अपि वाहनानां गमनम् अवरुद्धम् अस्ति।
प्रशासनस्य अनुसारं २०२५ तमस्य वर्षस्य ग्रीष्मकालपर्यन्तं दारचा-सरचु, दारचा-शिन्कुला मार्गयो: वाहनानां गमनस्य अनुमतिः न भविष्यति। न्यूनतमतापमानस्य, अत्यन्तं शीतस्य च कारणेन मार्गे हिमस्य सञ्चयः आरब्धः अस्ति। यदि पर्यटकाः जनाः वा एतादृशीषु गभीराषु परिस्थितिषु निरुद्धा भवन्ति तर्हि ते विपत्तौ भवितुम् अर्हन्ति। तथापि यथैव वातावरणं प्रतिकूलं भवति तथैव अस्मिन् मार्गे हिमपातः आरभ्यते। एतत् दृष्ट्वा लाहौल-स्पीतिप्रशासनेन मनाली-सरचु-लेह-मार्गे दार्चात: परं वाहनानां गमनम् स्थगयितुं निर्णयः कृतः अस्ति।
२०२३ तमे वर्षे मनाली-लेह-मार्गः नवम्बरमासस्य २० दिनाङ्कात् पिहित: अभवत्। जिला-आपदा- प्रबन्धन-प्राधिकरणस्य अध्यक्ष: एवं उपायुक्त: लाहौल-स्पीति: राहुलकुमार: अकथयत् यत् वातवरणस्य एवं मार्गस्य स्थिति: दृष्ट्वा मनाली- सरचु- लेहमार्गे शनिवासरत: यातायात: पिहित: अस्ति। अधुना अग्रिमर्तौ एव अस्मिन् मार्गे वाहनानि गन्तुं शक्नुवन्ति। उपायुक्तः अवदत् यत् १६,५८० पादपरिमितम् ऊर्ध्वे शिन्कुला-दर्रा इत्यत्र वाहनानां आवागमनम् अपि पिहितं भविष्यति।
