‘ग्राण्ड कमाण्डर ऑफ द आर्डर् आफ् द नाइजर’ इत्यनेन सम्मानितः भारतस्य प्रधानमन्त्री

‘ग्राण्ड कमाण्डर ऑफ द आर्डर् आफ् द नाइजर’ इत्यनेन सम्मानितः भारतस्य प्रधानमन्त्री
हिमसंस्कृतवार्ताः। नाइजीरियादेशः प्रधानमन्त्री मोदी इत्यस्य कृते ‘ग्राण्ड कमाण्डर ऑफ द आर्डर् आफ् द नाइजर’ इत्यस्य सम्मानं प्रदत्तः। सः द्वितीयः विदेशीयः गणमान्यः भविष्यति यः एतत् सम्मानं लब्धः। अस्मिन्नेव पूर्वे ऊनसप्तत्यधिकोनविंशतमे वर्षे राज्ञी एलिजाबेथ इत्यस्याः कृते सम्मानमिदं प्राप्तवती आसीत्। प्रधानमन्त्री नरेन्द्रमोदी अबुजानगरे नाइजीरिया-देशस्य राष्ट्रपतिना बोला-अहमद- टिनुबू-इत्यमुना साकं मन्त्रणां कृतवान्। राष्ट्रपतितिनुबु इत्यनेन सह प्रतिनिधिमण्डलस्तरीयवार्तायां प्रधानमन्त्रिणा उक्तं यत् भारतं नाइजीरियादेशेन सह सामरिकसहयोगाय महत् महत्त्वं ददाति। रक्षा, ऊर्जा, प्रौद्योगिकी, स्वास्थ्यं, शिक्षा, संस्कृतिः च इति क्षेत्रेषु द्वयोः देशयोः मध्ये पूर्वमेव सहकार्यं प्रचलति इति सः अवदत्। प्रधानमन्त्रिणा उक्तं यत् आतङ्कवादस्य, समुद्री-चौर्य-सङ्घटनस्य च आव्हानानां निवारणाय उभयदेशौ मिलित्वा कार्यं कुर्वन्तौ स्त। प्रधानमन्त्री नाइजीरियादेशस्य राष्ट्रपतिं धन्यवादं दत्तवान् यत् सः ग्रैंड कमांडर ऑफ द ऑर्डर ऑफ द नाइजर इति सम्मानं प्रदत्तवान्। श्री मोदी उक्तवान् यत् एषः सम्मानः केवलं तस्य एव नास्ति, अपितु सर्वेषां भारतीयानां सन्ति। श्रीमोदी नाइजीरियायाः द्वि-दिवसीय यात्रायै परह्यः रात्रौ अबुजानगरं सम्प्राप्तवान्। विगतेषु सप्तदशवर्षेषु कस्यापि भारतीयप्रधानमन्त्रिणः प्रथमानाइजीरिया यात्रा विद्यते। प्रधानमन्त्री मोदी राष्ट्रपतिः टीनुवू इत्येषः च नाइजीरिया-भारत-देशयोः मध्ये रणनीतिक-सहभागित्वस्य समीक्षां कृतवन्तौ अथ च द्विपक्षीय सम्बन्धान् अग्रे वर्धयितुं विविधेषु अवसरेषु चर्चा जाता। एतदनन्तरं प्रधानमन्त्री नाइजीरियायां भारतीय-प्रवासिभ्यः सम्बोधनमपि कृतवान्। तदनु श्वः श्रीमोदी राष्ट्रपतिना लुइस- इनासियो-लूला-दा-सिल्वा इत्यनेन आयोक्ष्यमाणे जी-विंशतिः शिखरसम्मेलने भागग्रहणाय द्विदिवसीययात्रार्थं ब्राजीलदेशस्य रियोडिजेनेरियो-नगरं प्रति यास्यति। ध्यातव्यमस्ति भारतं ब्राजील-दक्षिणाफ्रीका-देशाभ्यां सह जी-विंशतिः इत्यस्य शिखरसम्मेलनस्य भागमस्ति इति। अपि च प्रचल्यमाणस्य जी-विंशतिः शिखरसम्मेलनस्य चर्चासु सक्रियत्वेन योगदानं प्रददाति। कार्यक्रमावधौ प्रधानमन्त्री विभिन्नेषु वैश्विकप्रसङ्गेषु भारतस्य स्थिर्ति प्रकटयिष्यति। भारतेन आयोजिते वॉयस ऑफ द ग्लोबल-साउथ-इत्यस्मिन् शिखर सम्मेलनेऽपि चर्चा विधास्यति। तृतीये अन्तिमे च यात्रायाः सोपाने प्रधानमन्त्री अस्य मासस्य नवदशतः एकविंशति दिनाङ्क यावत् गुयानादेशाय यास्यति।