CM Sukhu : राज्यसर्वकार: शीघ्रमेव आरप्स्यते ‘मुख्यमन्त्री सुखशिक्षा योजना’
हिमसंस्कृतवार्ता: – शिमला।
मुख्यमन्त्री सुखविन्दरसिंहसुक्खुः अवदत् यत् राज्यसर्वकारः नूतनम् उपक्रमं ‘मुख्यमन्त्री सुखशिक्षा योजना’ आरप्स्यते इति। अस्याः योजनायाः मुख्यम् उद्देश्यं विधवा, निर्धनाः, तलाकप्राप्ताः महिलाः, विकलाङ्गाः मातापितरः च स्वसन्ततिशिक्षणाय, कल्याणाय च आर्थिकसहायतां प्रदातुं वर्तते। सः अवदत् यत् योजनायाः मुख्यम् उद्देश्यं द्वयोः विशिष्टयोः आयुवर्गयोः सहायतां प्रदातुं वर्तते। अस्याः योजनायाः अन्तर्गतं पात्रमहिलानां विकलाङ्गानाम् अभिभावकानां कृते १८ वर्षाणाम् अधः स्वबालानां शिक्षा, स्वास्थ्यं, पोषणव्ययस्य पूर्तये १००० रूप्यकाणां मासिकं अनुदानं प्रदत्तं भविष्यति। तदतिरिक्तं स्नातक- स्नातकोत्तर- डिप्लोमा- व्यावसायिक- पाठ्यक्रमेषु प्रवेशं कुर्वतां बालकानां कृते शिक्षणस्य, छात्रावासस्य च व्ययस्य पूर्तये आर्थिकसहायतां अपि सर्वकारः प्रदास्यति। मुख्यमन्त्री उक्तवान् यत् शैक्षणिक-वित्तीय-सम्पदाम् अभावात् विधवाः परित्यक्ताः च महिलाः स्वसन्तति-पालने कठिन- आह्वानानां सम्मुखीकरणं कुर्वन्ति। एताः महिलाः विशेषतया दुर्बलाः सन्ति, तेषां जीवनाय, स्वसन्ततिनां शिक्षां सुनिश्चित्य च आवश्यकं नैतिकम् आर्थिकं च समर्थनं नास्ति। अस्याः योजनायाः उद्देश्यं परिवारस्तरस्य बालसंरक्षणं सुदृढं कृत्वा बालशोषणं, व्यापारः, बालविवाहः, मादकद्रव्याणां दुरुपयोगः इत्यादीनां अपराधानां निवारणं भवति। सः अवदत् यत् विकलांगता, अनुद्योगिता, दरिद्रता च दृष्ट्वा ‘मुख्यमन्त्री सुख शिक्षायोजना’ विकलाङ्गमातापितृबालानां आवश्यकताः अपि पूरयिष्यति। अस्याः योजनायाः लाभं प्राप्तुं स्थानीयबालविकासपरियोजनाधिकारिणं प्रति आवेदनं कर्तुं शक्यते। मुख्यमन्त्री सुक्खुः अवदत् यत् बालकाः गरिमापूर्णं जीवनं यापयितुम् आवश्यकं शिक्षां, परिचर्या च प्राप्नुवन्ति इति सुनिश्चित्य दुर्बलपरिवारानाम् कृते समुचितं वातावरणं प्रवर्तयितुं अतीव महत्त्वपूर्णम् अस्ति। सः अवदत् यत् राज्यसर्वकारेण सत्तां प्राप्तस्य प्रथमदिनात् एव वंचितवर्गाणां सशक्तिकरणाय प्राथमिकता दत्ता, तेषां साहाय्यार्थं च अनेके उपक्रमाः आरब्धाः। समाजस्य केचन वर्गाः सन्ति ये स्वोपालम्भान्, कष्टानि च गृहीत्वा अस्माकं समीपम् आगन्तुं न शक्नुवन्ति, परन्तु एकः संवेदनशीलः सर्वकारः इति नाम्ना वयं प्रत्येकस्य वर्गस्य हिताय प्रतिबद्धाः स्मः।
