Sanskrit Competition : मन्त्रोच्चारणे ओम:, श्लोकोच्चारणे हिमांशी, गीतिकागायने गौर्वितवर्धन: संस्कृतभाषणे च अंतरा प्रथमे स्थाने
संस्कृताकादम्या: जिलास्तरीया संस्कृतप्रतियोगिता: बिलासपुरजनपदस्य झण्डूत्तायां सम्पन्ना:
हिमसंस्कृतवार्ता:- बिलासपुरम्।
हिमाचल- संस्कृत- अकादमी हिमाचल सर्वकार: शिमलाद्वारा वर्ष २०२४-२५ इत्यस्य सत्रस्य कृते विद्यालयीयानां छात्राणां संस्कृतप्रतियोगिता: बिलासपुरजनपदस्य प्रतियोगिता: हुतात्मा- अश्विनीकुमार- राजकीये वरिष्ठमाध्यमिके विद्यालये झण्डूत्तायां सम्पन्ना:। शताधिकै: छात्रै: संस्कृतप्रतियोगितासु सहभागिता कृता। उद्घाटनसत्रस्य अध्यक्ष: सेवानिवृत्त: प्राचार्य: एवं संस्कृतविद्वान् डॉ एल. आर. शर्मा सरस्वतीमातु: पुरत: दीपप्रज्ज्वालनेन अपि च हुतात्मन: अश्विनीकुमारस्य प्रतिमायां च माल्यार्पणेन शुभारम्भं कृतवान्। सारस्वतातिथि रूपेण सेवानिवृत्त: आचार्य: डॉ रामेश्वरदत्त:, शास्त्री भगतराम:, सेवानिवृत्त: धर्मगुरु: रामलाल: पर्यवेक्षकरूपेण बलवन्तनड्डा सेवानिवृत्त: उपनिदेशक: प्रारम्भिकशिक्षा, प्यारुरामसांख्यायन: सेवानिवृत्त: संस्कृतशिक्षक: च आसन्। अकादमी सचिव: डॉ. केशवानंद कौशल: अवदत् यत् विद्यालयीया छात्राणां कनिष्ठवर्गस्य द्वे प्रतियोगिते मन्त्रोच्चारणं श्लोकोच्चारणं च अभवताम् तथैव वरिष्ठवर्गस्य अपि संस्कृतगीतिका एवं संस्कृतभाषणम् एते द्वे प्रतियोगिते सम्पन्ने। मन्त्रोच्चारणे ओम भाटिया राजकीय- वरिष्ठ- माध्यमिक- विद्यालय: गेहड़वीं प्रथमम्, अनमोल शर्मा राजकीय- वरिष्ठ- माध्यमिक- विद्यालय: कठलग: पूर्वशी राजकीय- वरिष्ठ- माध्यमिक- विद्यालय: कल्लर: तृतीयम्, श्रुति राजकीय- वरिष्ठ- माध्यमिक- विद्यालय: स्वाहण चतुर्थं स्थानं प्राप्तवन्त:। श्लोकोच्चारणे हिमांशी कुमारी राजकीय- वरिष्ठ- माध्यमिक- विद्यालय: साई ब्राह्मणा प्रथमम्, शोभाकुमारी राजकीय- वरिष्ठ- माध्यमिक- विद्यालय: बरमाणा द्वितीयम्, शिवन्या राजकीय- उच्च- विद्यालय: दोकड़ू तृतीयम्, दीक्षा कुमारी राजकीय- वरिष्ठ- माध्यमिकपाठशाला बाला चतुर्थपुरस्कारं प्राप्नुवन्।
संस्कृतगीतिकाप्रतियोगितायां गौर्वितवर्धन: राजकीय- वरिष्ठ- माध्यमिक- विद्यालय: भराड़ी प्रथमम्, अक्षिता शर्मा राजकीय- वरिष्ठ- माध्यमिक- विद्यालय: हरनोड़ा द्वितीयम्, ऐंजल राजपूत राजकीय- वरिष्ठ- माध्यमिक- विद्यालय: बड़गांव तृतीयम्, प्रियांजल राजकीय- वरिष्ठ- माध्यमिक- विद्यालय: गेहड़वीं चतुर्थम् पुरस्कारं प्राप्नुवन्।
संस्कृतभाषणप्रतियोगितायाम् अन्तरा शर्मा राजकीय- वरिष्ठ- माध्यमिक- विद्यालय: भराड़ी प्रथमम्, कृतिका डोगरा राजकीय- वरिष्ठ- माध्यमिक- विद्यालय: गेहड़वीं द्वितीयम्, कशिश वर्धन राजकीय- वरिष्ठ- माध्यमिक- विद्यालय: बलघाड़: तृतीयं, रितिका धीमान राजकीय- वरिष्ठ- माध्यमिक- विद्यालय: बैहल च चतुर्थं स्थानं प्राप्तवन्त:। एवमेव द्वे प्रथमे स्थाने प्राप्य राजकीय- वरिष्ठ- माध्यमिक- विद्यालय: भराड़ी सर्वोत्तम: विद्यालयस्य पुरस्कारं प्राप्नोत्।
पुरस्कारवितरणसमारोहस्य मुख्यातिथि: प्रो. लेखरामशर्मा सेवानिवृत्त: विभागाध्यक्ष: आचार्यश्च गुरुनानकदेवविश्वलिद्यालय: विजेतॄन् छात्रान् पुरस्कृतवान्। असौ स्वीये सम्बोधने अकथयत् यत् संस्कृतस्य संवर्द्धनाय छात्रेषु अभिरुचि-उत्पादनाय च संस्कृत- अकादमीद्वारा प्रशंसनीयं कार्यं क्रियते। आगामिकाल: भारतीय- ज्ञान- परम्पराया: अस्ति सा परम्परा संस्कृते एव निहिता अस्ति।
राजकीय- वरिष्ठ- माध्यमिक- विद्यालयस्य झण्डूत्ताया: प्रधानाचार्य: पवनकुमारसांख्यायन: जिलास्तरीयप्रतियोगितानाम् आयोजनाय झण्डूत्ताया: चयनं कर्तुम् अकादम्या: धन्यवादं ज्ञापितवान्। अपि च सर्वेषाम् विदुषां शिक्षकाणां प्रतिभागिछात्राणां च अभिनन्दनं कृतवान्।
