HPCM- जयरामसर्वकारे पञ्चवर्षपर्यन्तं हमीरपुरस्य उपेक्षा अभवत्
हिमसंस्कृतवार्ता- हमीरपुरम्।
मुख्यमंत्री सुखविंदरसिंहसुक्खु: सुजानपुरप्रवासे भाजपाप्रत्याशिन: राजेन्द्रराणावर्यस्य उपरि मौखिकाक्रमणम् अकरोत्। पलाहीग्रामे पथसभां सम्बोधयन् मुख्यमन्त्री सुक्खुः अवदत् यत् राजेन्द्रराणा सुजानपुरस्य जनान् कार्याय न अपितु क्रशर- निविदा- अनुमोदनार्थं मिलति स्म। सः अवदत् यत् राजेन्द्रराणा सुजानपुरे, सिरमौरे च क्रशर-इत्यस्य अनुमोदनं याचयन् तस्य समीपम् आगतः। आपदायां जनानां गृहाणि नष्टानि अभवन् किन्तु भाजपा प्रत्याशी कदापि तस्य विषये न कथितवान्। हमीरपुरमण्डलस्य सन् सः स्वयमेव आगत्य तस्मिन् क्षेत्रे जनान् मिलितवान्। राजेन्द्रराणा सर्वकल्याणकारी संस्था निर्माय जनान् लुण्ठितवान् इति आरोपं कृतवान्। सः अवदत् यत् पूर्वमुख्यमन्त्री प्रेमकुमारधूमलः अस्मिन् अवसरे सुजानपुरविधानसभाक्षेत्रात् षड्यंत्रेण पराजितः अस्ति। सुजानपुरस्य जनाः एकवारं त्रुटिं कृतवन्तः परन्तु अधुना एषा त्रुटिः पुनः न भविष्यति। जयरामठाकुरः मुख्यमन्त्री अभवत् किन्तु सः पञ्चवर्षपर्यन्तं हमीरपुरमण्डलस्य उपेक्षां कृतवान्।
