Lok Sabha Election 2024 : हिमाचले सर्वेक्षणे समीकरणे च उत्तीर्णानां काङ्ग्रेस-प्रत्याशीनां सूची सज्जा
हिमसंस्कृतवार्ता- कार्यालयीय: प्रतिनिधि:।
राज्ये लोकसभानिर्वाचनस्य प्रत्याशिन: निर्णयार्थं काङ्ग्रेसेन जनानां कार्यकर्तृणां च सर्वेक्षणं सम्पन्नम्। राज्यकाङ्ग्रेसनेतारः सर्वेक्षणप्रतिवेदने शीर्षस्थाने स्थापितानां वर्तमानराजनैतिकसमीकरणानां च पूर्तिं कृतवन्तः सम्भाव्यप्रत्याशिनां सूची निर्माय नवीदिल्लीं गमिष्यन्ति। लोकसभायाः नामपत्रस्य निर्णयार्थं केन्द्रीयनिर्वाचनसमित्याः समागमः ६ एप्रिल दिनाङ्के नवदिल्लीनगरे भविष्यति। अस्मिन् काले सर्वेक्षणप्रतिवेदनानुसारं राजनैतिकसमीकरणानुसारं च द्वयोः त्रयोः सम्भाव्यप्रत्याशीनां नाम सूच्यान्तर्गतं शीर्षनेतृत्वस्य समक्षं स्थापितं भविष्यति।
मुख्यमंत्री सुखविन्दरसिंहसुक्खुः शनिवासरे प्रातःकाले सभायां भागं ग्रहीतुं दिल्लीं गमिष्यति। गुरुवासरे मुख्यमन्त्री सुक्खुः कुटलैहड़विधानसभाक्षेत्रस्य अन्तर्गतं बङ्गानायां निर्वाचनसभां कृत्वा रात्रौ नादौनमागतवान् । शुक्रवासरे अपि मुख्यमन्त्री नादौने एव तिष्ठति। राज्यकाङ्ग्रेसस्य अध्यक्षा प्रतिभासिंहाया: उपमुख्यमन्त्रिण: मुकेश-अग्निहोत्रिण: च शुक्रवासरे दिल्लीयात्रायाः सम्भावनाः सन्ति। सम्भवति यत् शनिवासरे नवदिल्लीनगरे आयोज्ये समागमात् पूर्वं राज्यकाङ्ग्रेसनेतृणां राज्यप्रभारी राजीवशुक्लेन सह अपि समागमः भविष्यति।
मण्डीसंसदीय-निर्वाचनक्षेत्रस्य सूच्यां प्रतिभा- कौलस्य, भण्डारिण: च नामानि
दलस्रोतानां अनुसारं मण्डी-संसदीयक्षेत्रस्य सूच्यां राज्यकाङ्ग्रेसाध्यक्षाया: प्रतिभासिंहाया:, पूर्वमन्त्रिण: कौलसिंहठाकुरस्य, युवाकाङ्ग्रेसस्य प्रदेशाध्यक्षस्य नेगी निगमभण्डारिण: च नामानि समाविष्टाणि सन्ति। प्रतिभासिंह अद्यावधि दलस्य प्रथमः विकल्पः अस्ति। यदि सा निर्वाचनं कर्तुं न सहमता तर्हि अन्यनामानां चर्चा भविष्यति।
सूच्यां हमीरपुरतः द्वे शिमला-काङ्गड़ातः प्रत्येकं त्रीणि नामानि
शिमलासंसदीयक्षेत्रतः दयालप्यारी, अमितनन्दा, कौशलमुङ्गटा, हमीरपुरतः सतपाल रायजादा, रामलालठाकुरः, काङ्गरातः पूर्वमन्त्री आशाकुमारी, संजयचौहान:, करण पठानिया चेत्येतेषां नामानि सूच्यां समाविष्टाणि सन्ति इति कथ्यते।
