रामकृष्णमिशनस्य अध्यक्षः स्वामी- स्मरणानन्दस्य ९५ तमे वर्षे निधनम् जातम्; प्रधानमन्त्री नरेन्द्र-मोदी दुःखं प्रकटितवान्।
हिमसंस्कृतवार्ताः- नरेशमलोटिया
रामकृष्णमठस्य रामकृष्णमिशनस्य च १६ तमे अध्यक्षस्य स्वामी- स्मरणानन्द- महाराजस्य मंगलवासरे निधनम् अभवत्। सः ९५ तमे वर्षे अन्तिमश्वासं गृहीतवान्। विदितं स्यात् यत् महाराज: ९० वर्षाणाम् अधिकस्य आयुःसम्बद्धस्य रोगस्य कोलकातानगरस्य एकस्मिन् चिकित्सालये चिकित्सां कुर्वन् आसीत्। न्यूरोलॉजी इत्यादिविभागानाम् वैद्याः तं नियमितरूपेण निरीक्षणे एव स्थापयन्ति स्म, किन्तु उत्तमचिकित्सापरिचर्यायाः अभावेऽपि गतदिनेषु तस्य स्थितिः क्षीणा अभवत्, अद्य सः स्वर्गं गतः। प्रधानमन्त्रिणा मोदिना स्वामी- स्मरणानन्दमहाराजस्य निधनं प्रति गभीरं हृदयस्पर्शी शोकसंवेदना प्रकटिता अस्ति।
प्रधानमन्त्रिणा मोदिना गहन दुःखम् प्रकतितम्।
प्रधानमन्त्रिणा ‘X’ इत्यत्र लिखितम्, ‘रामकृष्णमठस्य रामकृष्णमिशनस्य च पूज्य: अध्यक्षः श्रीमान् स्वामी स्मरणानंद- महाराजः अध्यात्मस्य सेवायाः च कृते स्वजीवनं समर्पितवान्। असंख्यहृदयमनसयोः अमिटं चिह्नं त्यक्तवान्। तस्य करुणा प्रज्ञा च अग्रिम युवानां प्रेरणादायिनी भविष्यति। प्रधानमन्त्री मोदी अग्रे लिखितवान्, वर्षाणां यावत् तेन सह मम अतीव निकटसम्बन्धः अस्ति। २०२० तमे वर्षे बेलुरमठ-नगरस्य भ्रमणं स्मरामि, यदा अहं तेन सह संवादं कृतवान्। कतिपयसप्ताहपूर्वम् अहम् अपि कोलकातानगरस्य चिकित्सालयं गत्वा तस्य स्वास्थ्यस्य विषये जिज्ञासाम् अकरोम्। बेलूरमठस्य असंख्यभक्तैः सह मम शोकसंवेदना वर्तते। ॐ शान्तिः।
श्रीमत्स्वामी- स्मरणानंद- महाराजस्य अनुयायिभिः सह मम शोकसंवेदना- अमितशाहः।
प्रधानमन्त्रिणा सह गृहमन्त्री अमितशाहः ‘X’ इत्यत्र लिखितवान् यत् रामकृष्णमठस्य श्रीमत्स्वामी- स्मरणानंद- महाराजः आध्यात्मिक दिग्गजः आसीत्। यस्य ज्ञानबोधेन मनः प्रज्वलति स्म, यस्य दयालुः उपस्थितिः दिव्यहर्षेण हृदयं पूरयितुं शक्नोति स्म। महाराजस्य अनुपस्थितिः एकं शून्यं त्यक्तवान्, यस्य पूरणं कठिनं भविष्यति…किन्तु तस्य बुद्धिविरासतः अस्मान् मार्गदर्शनं करिष्यति। तस्य असंख्य अनुयायिभिः सह मम शोकसंवेदना अस्ति।
मुख्यमन्त्री ममता बनर्जी अपि महाराजस्य निधनस्य विषये दुःखं प्रकटितवती।
पश्चिमबङ्गस्य मुख्यमन्त्री ममता बनर्जी अपि महाराजस्य निधनस्य विषये दुःखं प्रकटितवती। तेन ‘X’ इत्यत्र उक्तं यत् रामकृष्णमठ-मिशनस्य पूज्य-अध्यक्षस्य श्रीमत्स्वामी स्मरणानन्द-महाराजस्य अद्य निधनस्य वार्तायां सा अतीव दुःखिता अस्ति। अयं महान् भिक्षुः स्वजीवने रामकृष्णवादिनां विश्वव्यवस्थां आध्यात्मिकं नेतृत्वं दत्तवान्, सम्पूर्णे विश्वे कोटि-कोटि-भक्तानां कृते सान्त्वना-स्रोतः अस्ति। तस्य सर्वेभ्यः सहकारिभ्यः भिक्षुभ्यः, अनुयायिभ्यः, भक्तेभ्यः च अतीव शोकसंवेदना प्रकटयामि।
आध्यात्मिक दिग्गजः श्रीमत्स्वामी- स्मरणानंद- महाराजस्य परिचयः
रामकृष्णमठ: एवं मिशनस्य १६ तम: अध्यक्ष: आध्यात्मिक दिग्गजः श्रीमत्स्वामी- स्मरणानंद- महाराजः आसीत्। सः स्वामी- आत्मस्थानन्दस्य मृत्योः अनन्तरं अध्यक्षपदं धारयन् आसीत्। तमिलनाडुराज्यस्य तंजावूर-नगरस्य अण्डमी-ग्रामे १९२९ तमे वर्षे स्वामी- स्मरणानंदस्य जन्म अभवत्। सः बाल्यकालात् एव गहनचिन्तकः आसीत्। रामकृष्णसम्प्रदायेन सह तस्य प्रथमः सम्पर्कः २० तमे वर्षे आसीत्। अत्र सः सम्प्रदायस्य मुम्बईशाखायां सम्मिलितः, १९५२ तमे वर्षे २२ वर्षीयः मठजीवनं स्वीकृतवान्।
दुःखदम् ॐ शान्ति: