विधायकप्राथमिकता-गोष्ठी – ऊना-हमीरपुर-सिरमौर-जनपदानां विधायकानां प्राथमिकता:
हिमसंस्कृतवार्ता- शिमला।
ऊनाजनपदस्य विधायकानां प्राथमिकता
ऊना– ऊनाया: विधायक: सतपालसिंह: सत्ती पुरातनकार्याणां निवृत्तये पर्याप्तधनस्य प्रार्थनां कृतवान्। सः अवदत् यत् राज्यसर्वकारेण आपत्काले विधायकनिधिनियमेषु परिवर्तनं कृत्वा प्रभावितजनानाम् कृते सुरक्षाभीत्ति: (रिटेनिंग वॉल) इत्यादीनां कृते धनं दातुं प्रावधानं कृतम् अस्ति, यस्य विस्तारः २०२४ तमस्य वर्षस्य जूनमासात् परं कर्त्तव्य:।
गगरेटम्– गगरेट विधानसभानिर्वाचनस्य विधायक: चैतन्यशर्मा दौलतपुरचौकस्य महाविद्यालयं एवं विद्यालयं पृथक्-पृथक् परिसरे संचालयितुं निवेदितवान्। स: क्षेत्रे मादकद्रव्यस्य तस्कराणामुपरि अंकुशं स्थापयितुम् अयाचत्।
कुटलैहड़म्– कुटलैहड़क्षेत्रस्य विधायकः देवेन्द्रभुट्टोः क्रीड़केभ्य: आहारधनं वर्धयितुं क्रीडासङ्घस्य कार्येषु च पारदर्शिताम् आनेतुं च आग्रहं कृतवान्। निराश्रितपशूनां समर्थनार्थं दृढ़पदं स्वीकुर्वन्तु इति अपि सः आग्रहं कृतवान्।
हमीरपुरजनपदस्य विधायकानां प्राथमिकता:
भोरंजम्– भोरंजविधानसभाक्षेत्रस्य विधायक: सुरेशकुमार: सीरनदस्य तटीकरणस्य याचनां कृतवान्। सः क्षेत्रे निर्माणाधीनस्य राष्ट्रियराजमार्गस्य निर्माणे गुणवत्तां सुनिश्चित्य विषयं उत्थाप्य भोरञ्जविद्यालये बहूद्देशीय भवनस्य निर्माणस्य आग्रहं कृतवान्।
हमीरपुरम्– हमीरपुरस्य विधानसभाक्षेत्रस्य विधायकः आशीषशर्मा मुख्यमन्त्रिणं प्रति आभारं प्रकटितवान् यत् सः हमीरपुरस्य नूतनबसस्थानकस्य कृते पर्याप्तं बजटं प्रदत्तवान्। सः हमीरपुरे पोलिक्लिनिकस्य उद्घाटनस्य, जिलामुख्यालयस्य नूतनं लघुसचिवालयस्य उद्घाटनस्य च आग्रहं कृतवान्।
बड़सरम्– बड़सरविधानसभाक्षेत्रस्य विधायक: इन्द्रदत्त: लखनपाल: कृषकाणां लाभाय क्षेत्रे कृषिसिञ्चन- व्यवस्थाया: उन्नयनम् अयाचत्। सः विद्युतापूर्त्या: कृते आधारभूतसंरचनानां सुदृढीकरणाय, मार्गेषु समुचितजलनिकासी च कर्तुं, बिझड़ीक्षेत्रे पुलिसस्थानकस्य उद्घाटनस्य च आग्रहं कृतवान्।
सिरमौर-जनपदस्य विधायकानां प्राथमिकता:
पच्छाद:- पच्छादविधानसभाक्षेत्रस्य विधायक रीना कश्यप क्षेत्रे जलशक्ति मण्डलस्य उद्घाटनार्थं मुख्यमन्त्रिणं प्रति आभारं प्रकटितवती। क्षेत्रे पर्यटनस्य प्रवर्धनार्थं शिरगुलस्य भूरेश्वरमन्दिरस्य च अतिरिक्तं अन्यपर्यटनस्थलानां विकासाय सा आग्रहं कृतवती। सा सराहां- चण्डीगढ- मार्गस्य विस्तृतपरियोजना-प्रतिवेदनं शीघ्रमेव सज्जीकर्तुम् आग्रहं कृतवती।
नाहनम्– नाहनविधानसभाक्षेत्रस्य विधायकः अजय सोलंकी मुख्यमन्त्रिण: सुखविन्दरसिंहसुक्खो: क्षेत्रस्य विकासाय ३० कोटिरूप्यकाणां घोषणां कर्तुं धन्यवादं दत्तवान्। नाहनस्य डॉ. यशवंतसिंहपरमार-चिकित्सा- महाविद्यालये विशेषज्ञवैद्यानाम् उपचारिकाणां च पदानि पूरयितुं सः आग्रहं कृतवान्। सः भूमिहीनानां कृते गृहनिर्माणार्थं भूमिविनियोगस्य आग्रहं कृतवान्।
पांवटा साहिब:- पांवटासाहबस्य विधानसभाक्षेत्रस्य विधायकः सुखरामचौधरी अवदत् यत् सः हिमाचलस्य यमुनानद्याः सीमां निश्चेतुम् आग्रहं कृतवान् येन तत्र अवैधखननं स्थगितुं शक्यते। सः नलीकूपस्य चालनार्थं क्षेत्रस्य कृषकाणां कृते लम्बितविद्युत्संयोजनानि तत्कालं प्रदातुं आग्रहं कृतवान्। पांवटासाहबनगरे यानस्थगनस्थलस्य (पार्किङ्ग) समस्यायाः समाधानं कर्तुं अपि आग्रहं कृतवान्।
