हिमाचलप्रदेश: – ऊनातः सम्पूर्णराज्ये पीएनजी-आपूर्तिं कर्तुं मार्गः स्पष्टः,
बाथुक्षेत्रे स्थापितं भविष्यति मातृकेन्द्रम्
हिमसंस्कृतवार्ता- कार्यालयीय: प्रतिनिधि:।
आगामिसमये ऊनाजनपदसहितं हिमाचलप्रदेशे नलिका- प्राकृतिकवायो: अर्थात् पाइप्ड नेचुरल गैस (PNG) सुविधां प्रदातुं मार्गः प्रशस्त: अस्ति। ऊनाया: बाथुक्षेत्रे निर्माणाधीनस्य पीएनजी-मातृस्थानकस्य पञ्जाबतः नलरेखया सह संयोजनस्य कार्यं अस्मिन् मासे सम्पन्नं भविष्यति। नलरेखां मातृकेन्द्रेण (मदर स्टेशन) सह सम्बद्धस्य अन्तिमसम्पर्कस्य कृते केवलं १०० मीटर् कार्यस्य अवशिष्टस्य समस्यायाः अन्ततः शनिवासरे ग्रामपञ्चायतबाथड़ी-प्रधानस्य अनुपमराणा इत्यस्य हस्तक्षेपस्य अनन्तरं समाधानं जातम्। अस्मात् मातृस्थानकात् ऊनाजनपदसहितं सम्पूर्णराज्ये पीएनजी-आपूर्तिः प्रदत्ता भविष्यति ।
मातृस्थानकात् प्रतिदिनं ८० सहस्राणि पीएनजी-वायो: आपूर्तिः सम्पूर्णराज्ये भविष्यति । अस्य स्थानकपर्यन्तं नलरेखां प्राप्तुं पंचायतस्य केचन जनाः स्वभूमितः नलरेखां न स्थापयितुं विरोधं कृतवन्तः । एतस्य विरोधस्य निवारणाय स्थानीयपञ्चायतस्य प्रतिनिधिभिः ग्रामजनान् प्रत्यययित्वा विरोधस्य समाप्तिः कृता । अस्मिन्नवसरे भारत-पेट्रोलियम- कार्पोरेशनसीमितस्य (बीपीसीएल) डीजीएम राजेन्द्रकुमार:, क्षेत्रीयप्रबन्धक: अनुपम श्रीवास्तव:, परियोजनाप्रबन्धक: शामशर्मा मुख्यरूपेण उपस्थिता: आसन्। पूर्वं बाथुतः भङ्गलामार्गपर्यन्तं भूमिसम्बद्धविषयेषु केवलं १०० मीटर् अवशिष्टं कार्यं आरब्धुं न शक्यते स्म। एतदर्थं कम्पनीप्रबन्धनेन स्थानीय-बाथड़ी-ग्रामपंचायतात् समाधानस्य प्रार्थना कृता। अधुना प्रधानस्य अनुपम राणा इत्यस्य समाधानस्य अनन्तरं मातृस्थानकात् पीएनजी इत्यस्य आपूर्तिः आगामिषु दिनेषु सम्भवः भविष्यति। कम्पनी यथाशीघ्रं मातृस्थानकं आरभ्यत इति लक्ष्यं कृतवती अस्ति। तदनन्तरं ग्रामपञ्चायतबाथु-बाथड़ी-इत्यादिषु समीपस्थेषु ग्रामपञ्चायतेषु अपि पाकशालासु नलिका-प्राकृतिक-वायो: आपूर्तिः भविष्यति। एतेन जनाः न्यूनेन दरेन एलपीजी प्राप्स्यन्ति, अनिलकोषस्य वहनस्य उपद्रवात् अपि मुक्ताः भविष्यन्ति ।
कम्पन्या: डीजीएम राजेन्द्रकुमार: कार्ये सहयोगाय ग्रामपंचायतस्य बाथड़ी इत्यस्य प्रतिनिधीनां आभारं प्रकटितवान्। कथितं यत् अधुना बाथु-मातृस्थानक़ पञ्जाबस्य मेहंदावा्ल एसबी इत्यनेन सह नलसंयोजनद्वारा संयोजयितुं कार्यं सम्पन्नं भविष्यति। इतः बाथुमातृस्थानकस्य गुजरातेन सह नलसंयोजनद्वारा प्रत्यक्षसंपर्कः भविष्यति। मदरस्टेशन-बाथुतः बिलासपुरं, हमीरपुऱ तथा ऊना सहित हिमाचलस्य अन्येषु जनपदेषु पीएनजी इत्यस्य निर्बाधापूर्तिः भविष्यति। कार्यस्य अन्तिमचरणं जनवरीमासस्य अन्तिमं यावत् सम्पन्नं भविष्यति। फेब्रुवरीमासात् आरभ्य अस्य स्थानकस्य पूर्णसञ्चालनस्य लक्ष्यं निर्धारितम् अस्ति ।
