नोएडा-प्रदर्शनम् -: श्रमिकाणाम् अन्तिमा अभियाचना, राहुल गान्धी महोदयः श्रमिकाणां समर्थनं कृतवान्

नोएडा-प्रदर्शनम् -: श्रमिकाणाम् अन्तिमा अभियाचना, राहुल गान्धी महोदयः श्रमिकाणां समर्थनं कृतवान्
कांग्रेस-दलस्य पूर्व-अध्यक्षः राहुल गान्धी महोदयः नोएडा-नगरे श्रमिकाणां वेतनवृद्धये कृतम् आन्दोलनं न्याय्यं मन्यमानः उक्तवान् यत्— “आकाशस्पर्शिण्याः मूल्यवृद्धेः (महंगाई) काले वेतनवृद्धि-याचना सर्वथा युक्तिसङ्गता अस्ति, एतस्याम् अभियाचनायां संवेदनशीलतापूर्वकं ध्यानं दातव्यम्।”मङ्गलवासरे सामाजिक-माध्यमे ‘X’ (पूर्वं ट्विटर) इत्यत्र श्रीगान्धी महोदयः नोएडा-नगरस्य अनेकासु कम्पनीषु सोमवासरे श्रमिकाणां वेतनवृद्धये कृतस्य आन्दोलनस्य समर्थनं कृतवान्। सः अवदत् यत् यथा मूल्यवृद्धिः वर्धमाना अस्ति, तथा तेषां ‘न्यूनतमं वेतनम्’ अपि वर्धनीयम्। कांग्रेस-नेतुः मते सोमवासरे नोएडा-नगरस्य मार्गेषु यत् किमपि अभवत्, सा अस्य देशस्य श्रमिकाणाम् ‘अन्तिमा अभियाचना’ आसीत्। एतादृशः स्वरः यः दीर्घकालात् अनश्रुतः कृतः, यः याचनां कुर्वन् श्रान्तः जातः। नोएडा-नगरे कार्यं कुर्वतः एकस्य श्रमिकस्य १२,००० रूप्यकाणां मासिक-आये प्रायः ४,००० तः ७,००० रूप्यकाणि केवलं गृहभाटके (किराये) एव व्ययितानि भवन्ति।